一路一帶：有種筍盤叫「共產房」
■內地近日推出共享房產計劃，不夠資金的買家可變相以超高成數上車。互聯網圖片
內地樓市近日推出共享房產計劃，令不夠資金的買家可以變相以超高成數上車，而且更由政府承擔風險，變相要全民聯同政府炒樓。
今次「共產房」計劃由佛山作試點，本身呢類「共產房」，會較同
地段嘅商品房售價低10至20%，而買家最少付出六成樓價就可以上車，留意返，係六成樓價，並唔係六成首期，餘下四成樓價由政府承擔，即係好似香港的白表居屋，同樣大約以六至七成樓價購買單位，要在二手市場出售便要補地價。
呢類共產房有五年禁售期，而政府更有優先購買權。買家有資產限額，首次置業同有佛山戶籍呢啲就基本嘢，如果人均居住面積少過15平方米，亦都可以申請，最利害係可以選擇用公積金供樓。
共產房同保障的細節有區別，但同樣較市價有折扣，政府最多資助四成上車，政府如意算盤是幫市民上車，同香港特首林鄭的「置業優先」差唔多，但計算各自折扣後，共產房隨時可以低過市價的一成首期上車，變相加大炒樓人士槓桿。如果樓市轉跌，市民變成負資產，獲資助四成的差價由政府還是買家承擔呢？另一方面，中央又收緊棚戶改建貸款，一手打壓，另一手推你上車，貿易戰就嚟開始，無論點都係全敗俱傷，中國經濟增長，短期仍然要靠房地產。
斯郎
http://fb.com/oneroadonebelt/
斯郎
一路一帶 - 斯郎 舊文
來源 source: http://hk.finance.appledaily.com
