魚樂無窮：如果炒股有VAR
■世界盃新增設VAR，令球賽可更公平進行，如果炒股犯錯時都有VAR提點就好啦。 資料圖片
今屆世界盃最特別的地方，必數新增設的VAR。
球賽最關鍵的一刻，往往在電光火石之間發生，有冇越位、有冇手球、有冇犯規，單憑球證力量，其實難以百分百準確判斷，球證錯判令
賽果逆轉亦時有發生，包括球王馬勒當拿最經典的上帝之手。VAR則是透過重溫即場片段，睇清楚每個動作、每個細節，協助球證作出公平的裁決。
一個硬幣有兩面，VAR的出現，也惹來大量正反聲音。支持者認為球賽可更公平進行，減少人為錯誤影響賽果的機會，反對者指球賽變得冰冷，不再人性化，更因重播片段破壞球賽的流暢性。
在公平的大前提下，我也偏向支持使用VAR，而在宣佈判決的一刻，也令球賽增添一份刺激感呢！
炒股犯錯時有發生，如果你話有VAR幾好呢。470蚊撳掣買騰訊（700）的一刻，VAR話你知呢個位入場必定有排坐，將你個交易打回頭；4蚊衝入場撈毛記葵湧（1716），VAR又提醒你低處未算低，再次reject order。掉番轉，早兩日小注買恒大健康（708），VAR叫你應該大手掃先啱，結果贏到開巷……。
睇世界盃睇上腦，加上市況太弱，唯有自娛一下，希望在明天。
唐牛
http://fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.finance.appledaily.com
