經濟客艙：
YoYo正能量嘅炒股啟示
■今年2月科技股大幅回調，人人看淡時，股神畢菲特今年首季大手增持蘋果公司。 資料圖片
「多麼忙不重要，忙甚麼才重要！一次重要的決擇勝過千百次的努力！」同樣嘅說話，套用於股民身上亦可以感同身受。股民投資無非想搵錢，於變幻莫測嘅市況
中，搵到隻穩健嘅藍籌。不過，現實邊冇咁理想，最怕遇到Signal Wong。面對一隻股票回調，想逢低吸納、高價沽出，最終可能講嘅人多，執行到嘅人少。
美國科技股代表FAANG，包括蘋果公司、亞馬遜、Netflix同微軟，上星期五甫踏入「六絕月」首個交易日齊破頂。埋單計計數，原來科技股五窮月也不窮，蘋果公司、Facebook及Netflix上個月齊齊累積升幅超過一成，分別錄13%、11%及12%。Google母企Alphabet、亞馬遜和微軟亦有發力，喺「五窮月」分別錄8%、4%及5%升幅。除大家熟識嘅科技股，包括英偉達、美光科技同高通科技等半導體及晶片生產商，上月累積升幅同樣有睇頭，分別累升12%、25%及13%。
回顧今年2月科技股大幅回調，人人看淡且未必回復上年單訪勁升嘅時候，有位投資者喺其他人越放鬆時，佢就越謹慎。講到呢度，名字都唔駛多講，也估到係股神。佢今年首季大手增持蘋果公司，間接成為蘋果公司升勢推手。喺「五窮月」向道指貢獻三成半升幅，追贏另一隻道指藍籌波音公司，為道指貢獻三成四升幅。
FB page：http://fb.com/seeforcaptain/
Captain Cool
經濟客艙 - Captain Cool 舊文
來源 source: http://hk.finance.appledaily.com
