財路：大昌行博盈喜
■內地汽車產銷keep住增長，大昌行主打汽車4S店瓣數，食到應，半年度業績應該有睇頭。 互聯網圖片
今年上半年，內地汽車產銷keep住增長，大昌行（1828）主打汽車4S店瓣數，食到應，加埋出售物業資產額外收益，就快派半年度成績單，應該有睇頭。
中汽協數據，今年上半年
，內地汽車產量、銷量，分別達到1,405萬輛和1,406萬輛，同比增加4.15%同5.57%，又新能源汽車產、銷量，同比更加增加近95%同12%，上半年內地汽車銷售數據靚仔。大昌行作為內地主要4S營運商，應該有運行。
今年5月，大昌行公佈出售九龍麗晶花園商場同車位，變現4.2億元，估計收益4億元，而單係呢筆收益，已經幾乎等於上年上半年稅前溢利4.3億元，今年上半年，若果呢筆一次性收益趕得切入賬，半年成績單更靚仔。
大昌行除咗汽車經銷同分銷瓣數，2016年時，收購咗消費品同醫療保健產品分銷瓣數，開拓醫療保健產品分銷，市場潛力勁厚。又集團旗下橫琴物流倉儲，順風順水，應該喺呢季至下季開工大吉，配合大灣區發展，為大昌行中線開多條搵銀財路。
場內專業預測，大昌行今、明兩年EPS0.52元同0.58元，集團現價3.51元，兩年預測PE6.8倍同6倍水位，大昌行上市以嚟平均PE11.6倍，預測PE比歷史平均值，平咗成截。
最吸引係，大昌行兩年專業預估PB得0.6倍水位，場內有專業預估嘅行家，幾乎全部1倍起跳，講PB，大昌行又至抵
買大昌行，博有盈喜，兼炒落後，當翻半番到7蚊水位，明年預測PE先啱追到本身歷史平均PE。
錢雋
細價股專家
本欄逢周二刊出
錢雋
財路 - 錢雋 舊文
來源 source: http://hk.finance.appledaily.com
