魚樂無窮：釋放價值有錢途 - 唐牛
廸生創建每股淨現金達4.12元，股息率接近7厘，攻守兼備。圖為集團主席潘廸生。 資料圖片
人民銀行一粒逆周期因子，帶動中港股市起舞，阿爺出手令人民幣回穩，少了一個進攻點，淡友自然先行食糊，故出現由頭升到尾的局面，恒指埋單重上28000點大關，雖然上方
阻力多多，包括50天線約28400點，以及6月底至8月初區間波幅上限29000點，但好友27500水平防線，似乎變得更堅固。
本欄愛股之一廸生創建（113）上周四宣佈，以總代價2.5億元，向雅各臣（2633）出售位於沙田的貨倉及車位，並租回部份自用，交易將令廸生錄得稅前收益2.2億元，為去年度1.6億元的1.4倍，只待交易於11月中完成即可入賬，意味又係潛在盈喜股一隻，不妨備忘。值得留意的是，集團每股淨現金達4.12元，股息率接近7厘，攻守兼備也。
另一隻賣資產釋放價值的為YGM（375），同屬零售股，相關細節不多，只稱與獨立第三方訂立條款大綱，擬出售英國倫敦的一個物業，冇時間表亦冇作價。不過，YGM今年初曾因賣產派特別息大炒一番，話唔定會歷史重演，唔想錯失機會，一定要勤力做功課，睇實通告，自稱好忙或好懶嘅，就跟進本欄fb吧。
唐牛
http://fb.com/tongcow88
本欄逢周二、四刊出
魚樂無窮 - 唐牛 舊文
來源 source: http://hk.finance.appledaily.com
