【實力取勝】兩個不幸中嘅大幸（陳承龍）（第188期）
2018-8-2 16:43:09
執筆呢一刻，真係苦無頭緒，突然諗到小弟上個星期寫話「股民信心真係返咗嚟，市場嘅風險胃納亦提升返，再加上好多股份都跌得太殘，短期咪搏下反彈咯，係咪轉勢小弟都唔敢講。重磅股首選係滙控（005）同
騰訊（700），要細股就通街都係，越殘越好博。大家要好好珍惜呢個反彈浪，應該可以炒到8月頭。」，點知呢，8月1日個股市已經買賣兩閒，想再博都冇乜目標好博。
8月真係要繼續休息，大市依乎都要尋底整固，圖表上唔排除要整多隻腳，可能要試多一次低位。不幸中之大幸係，市場負面消息出得七七八八，而且市場人士同散戶都差唔多全線睇淡，似係黑暗嘅盡頭，好快見光明。話雖如此，大家嘅入市意慾真係好低，買都唔敢買得多，好彩第二個不幸中嘅大幸係，人民幣滙價咁樣跌法，個大市都仲算企得住，算唔錯啦。
美股方面，蘋果（APPL）幾有驚喜，小弟唔信騰訊（700）差得去邊咯，所以當大家睇到個市咁灰，或者後市有驚喜呢。
講開驚喜，上期絕密披露健身成果，今期再接再厲，益下街坊啦。捧場嘅，記得去書局，買小弟本《捕捉股市十年周期》。
實力取勝 - 陳承龍 舊文
來源 source: http://www.winmoney.hk
