【大茶飯】賭股跌因睇真啲（青冰）
恆指在過去一星期跌了約一千點，其實唔多，但整體的氣氛及感覺就很差，因為騰訊(0700)一度跌了三十蚊，接近一成啊，股王受創，自然令所有粉絲痛哭。有本地中小型銀行將定存息率調高，意味著加息之期愈來愈近，本港地產股今星期率先創52周新低，真係何其巧合，瞓係度
乜都唔使做都收3%回報，好像很久沒見過咁，如成為普遍現象，就會令那些持有只有2%(或更低)回報資產的投資者，好好考慮自己的資產配置，當然，總有人覺得自己的資產只漲不跌，息率收入並不重要，係唔係咁，不如半年後再回看吧。
除了騰訊及地產股，賭股都係跌得好甘，青冰在星期三已看到相關新聞，翌日亦有報導，但星期四賭股急跌，竟無人聯想到這新聞，真的奇怪，你可能聽到的，是因股市急挫，A股又唔掂，賭仔自然去炒啲馬交啦，九月賭收增長肯定大幅放緩了。講番個新聞，人民銀行與澳門金融管理局簽署合作備忘錄，加強金融合作，推動澳門經濟多元化發展。照睇就冇乜特別吖，但睇細緻啲，內文係有幾句重點，「人民銀行及澳門金管局將建立信息交流及通報機制」及「同意加強金融科技及移動支付的監管和推動工作」。
澳門點解咁多人去賭錢，除了是地理環境之外，「資金流動」的配套亦都係主因，所以中介人有其價值，但如果你唔係貴賓，攃機刷卡都好方便，所以以前每逢有新聞話要加強檢查銀聯提款，就會震散賭股。而以上提及的信息交流及移動支付的監管，雖未知落實的力度，但真係會打中資金流動的死穴。所以你見到賭股在星期三至五係跌得全面，幅度亦深，係有原因嘅。
無論是賭股、騰訊、醫藥及教育股，近期的死因都似乎是監管，前輩話國內有幾句說話係咁的:「一放就亂，一亂就收，一收就死，一死就放」。回想早幾年的內房，也是經歷過這個循環，賭股在2012年至2016年，也是如此，至於股王騰訊的遊戲一亂就收，要收幾耐先至到死呢，由死又變番王者盛世，相信應該不是幾個月內就會完成的循環，企鵝粉絲，要小心啊。
Fb個人專頁 http://www.fb.com/chingbing888
大茶飯 - 青冰 舊文
來源 source: http://hk.finance.yahoo.com
