一路一帶：高質限定一去不返 - 斯郎
作為一間老字號英資航空公司，英文名出錯真係幾離譜。
噚日有航空公司的飛機機身印錯字，成為網上熱話，朋友好感慨，作為一間老字號英資公司，英文名出錯真係幾離譜。筆者早年經常搭呢間航空，見證住呢間曾經令香港人自豪嘅公司，由炒燶油後，已開始變質，前線人員
質素多年保持水準，但公司制度及資源卻不斷減少，令人唏噓。
航空公司喺社交媒體以自嘲方式為醜事打圓場，「期間限定」效果令人喜出望外。不過筆者朋友噚日剛巧來電求救，表示前晚搭同一間航空公司，由國家首都直飛香港，等了兩小時仍未取得托運行李，幾經追問，航空公司才發現，該航班有十數人的行李同時錯運他國（周姓前主持，現為某網報G創辦人亦中招），雖然航空公司承諾免費將行李運到府上，但費時失事，朋友更笑言，搭高鐵可能冇咁麻煩。
筆者早年出差公幹，呢間航空是指定交通工具，服務不變，但資源卻不斷減少，一些小細節，小物品，Cut得就Cut，座位窄咗更加唔使講。在公司的友人透露，近年大地震，裁走一大班冗員，制度都開始要變，但畢竟炒燶油代價昂貴，Cut走的Cost，將來不會輕易加回來。以往高質的「期間限定」航空，亦不復再。
斯郎
http://fb.com/oneroadonebelt/
一路一帶 - 斯郎 舊文
來源 source: http://hk.finance.appledaily.com
