一路一帶：全民補貼權貴打Golf - 斯郎
政府每年少收3億幾租金，補貼富豪打Golf，呢啲唔係特權，真係唔知叫咩。 資料圖片
減價後的52折居屋再接受新的申請，供應未有增加，但由於大幅減價，申請者肯肯定大幅增加，變相令舊的申請者中籤機會降低。昨日有申請者交表後，表示若抽中，借貴利都
要買，足見香港樓市有幾瘋狂。其實四千多個單位，根本未能滿足需求。住宅土地供應已經係燃眉之急，香港有好多土地閒置未用，就要睇政府有冇心去做嘢。
粉嶺高爾夫球場即將定生死，政府意向好似唔想收回球場起屋，仲將民間意見稱之為「兩極化」，試圖淡化既得利益者的關係。粉嶺高球場佔地170公頃，根據顧問公司嘅方案，如果全數興建住宅，可提供1.32萬個住宅單位，根據民主黨的研究，高球場全部發展，可以建成大約17萬人嘅社區，足夠應付3年嘅單程證「團聚」名額，讓本地居民唞一唞氣。
可惜政府一向缺乏勇氣向利益者開刀。高球場只得約2,610個會員，公司會籍炒到過千萬，2016/17年度地租為239.7萬，差餉399.2萬，以民政局公佈的私人遊樂場契約政府的檢討結果，私人體育會要收市值地價三分之一租金，計返一年市值租金大約5.5億，即係高球場每年要交1.8億租，每呎月租只係8毫子，平過租劏房。政府每年少收3億幾租金，補貼富豪打Golf，呢啲唔係特權，真係唔知叫咩。
斯郎
http://fb.com/oneroadonebelt/
一路一帶 - 斯郎 舊文
來源 source: http://hk.finance.appledaily.com
