中環在線 - 李華華 2018年11月2日
中環在線：恒管變恒大後再添喜事 - 李華華
利易海倫（右三）及幼女利宛紅（右二）等利氏後人一同出席「偉倫廣場」命名典禮。何耀勤攝 適中字型 較大字型
恒生管理學院升格為「香港恒生大學」，接連幾日都在各大媒體洗版，近日再獲偉倫基金捐贈2,000萬元，支持學校策略發展及學生交流計劃，可以話係又添一宗喜事。
偉倫基金主席利國偉夫人利易海倫率領多位利氏後人，一同出席「偉倫廣場」命名典禮，包括幼女利宛紅、兒子利永志，甚至希慎（014）主席利蘊蓮都有撐場！利易海倫仲大讚恒管學生「佢哋好好」！
其實恒管校園早已有幢「利國偉教學大樓」，現時再添一個「偉倫廣場」，足見利氏家族對教育事業的熱誠，以及對恒管的扶持。華華記得，當年仲係由利Sir向政府申請撥地建校，先得來現時環境清幽、教育氣氛濃厚嘅校園。
華華有幾位同事都係恒管畢業生，佢哋話學校師資不比八大差，甚至比八大老師更用心教學，覺得今次升格及偉倫基金捐贈，是對學校嘅肯定，以恒管為榮喎！
李華華
mailto:LiWaWa@AppleDaily.com
中環在線 - 李華華 舊文
來源 source: http://hk.finance.appledaily.com
