【魚樂無窮】跑步練出坐貨功（唐牛）
最難捱的10月終於過去，11月首日更有個好開始，雖然大家都同意，中線走勢會向下，但有得彈下總好過直插冇水花吖，起碼可以減下磅甚至高位做淡嘛。
股市難炒，相對時間多了，如何打發是好？我就選擇瘋狂跑步，一來備戰明年初的京都馬拉松，二來強身健體，跑下多啲跑下
多啲，結果10月埋單，竟然累積咗超過140公里里數，一個馬拉松全長42.195公里，即我一個月跑咗3.3個全馬，比起專業跑手當然好普通，但已足夠我破自己的紀錄。
比起球類運動，跑步的好處是一人成行，壞處卻是好悶，戶外跑還好，可以望下靚景同靚女，如果玩跑步機就大鑊了，當然你煲劇另計。好多人都話，跑步可以鍛鍊耐力、耐性，這個我從不懷疑，尤其當你筋疲力盡時，魔鬼就會叫你停步休息，意志稍為薄弱，都頂唔住呢個誘惑。
耐性在股票市場也十分重要，去年私有化失敗的新百貨（825），距今已超過一年，意味隨時可捲土重來，入場就是博有好消息，但預咗要無止境地坐，需要的耐性不會比跑步少。昨日股價及成交均見異動，希望係終點出現的先兆吧。
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com
