智取大市 - 晉佳 2019年1月23日
智取大市：穩派息高回報機會 - 晉佳
中銀航空租賃雖未被當作穩健高息股，但達到穩健門檻得嚟回報更進取。 互聯網圖片 適中字型 較大字型
講買股票作他日退休資金用，要記住退休投資同買股票持有做人世可以係兩個概念，亦不一定強求零風險。例如中電（002）作為發電企業，都倚賴工商客戶用電需求，經濟唔好盈利一樣會波動、會有變數，但可見將來經營現金流只會係多同少嘅分別，極大機會維持正數，只要拉勻3至4厘息都可以叫做穩陣，只不過可以再尋找更高回報嘅股。
重申只要有預測長期每年3厘息以上墊底、配以正現金流，估值低同時積極利用現金流去再投資，就可列入考慮長期投資的行列，透過選股，去捕捉更多持有較短年期（可短至兩三年）而回報較高嘅機會。
一般投資者未必清楚飛機租賃行業玩法。喺一個成熟航空市場，航空公司大約持有六成機隊、租用四成機隊。一架飛機生產過程長，資本要求高，飛機製造商如波音同空巴都要求飛機交付後，現金較快回籠，先可以再進行新一輪投資、新生產，至於航空公司就未必願意太早去支付大筆錢買飛機，於是產生飛機租賃行業。中銀航空租賃（2588）從未被當作穩健高息股嘅其中一員，但達到穩健門檻得嚟回報更進取，下次再講多啲行業，同埋中銀航空面對風險同賺錢能力。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
