智取大市 - 晉佳 2019年1月30日
智取大市：2019妖股當道？ - 晉佳
細價股賣殼活動接二連三，反映中港兩地資金流變得暢通。 資料圖片 適中字型 較大字型
細價股賣殼活動接二連三，呢個現象反映中港兩地資金流變得暢通，一方面歸因於人民幣成功保七。另一方面係中美大戰當前，已經不能講究甚麼市場健康發展，炒炒賣賣至少可以靠股票向利益集團餵食，否則面對外憂內患，真正危機睇怕會出現。始終，內部嘅事，有錢易話為。
無論幾咁害怕2月底中美談判拉倒，都要承認一點，就係內地樓市出現限購令鬆綁，然後接二連三放水，開始形成同2014年至2015年有點相似嘅資金環境。唔止賣殼交易，超低殘手機設備股亂咁炒，通達（698）係咁意發份公告黐嚇5G金糠，高開後都可以再炒高三成收市。當然，呢種深潛股質地係有限公司，快上自然快落。資金餓波太耐，資金流回復正面嘅話，咪理係咪貿易戰，炒風依然可以狼死。
2月底大家嚴陣以待，到時就算中美談判消息負面，之前點都有防備。如果直至3月初，都冇點大調整，炒風會再癲啲。如果資金流正面而股市基本因素不濟？效果會點？市場會偏向短線多過長線，變得更投機。加上中央放手畀大家炒妖股嘅話，嚟緊今年可能就係妖股當道嘅日子了。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
