MyGut者言 - 徐家健 2019年1月30日
MyGut者言：動腦Q vs 猜字謎 - 徐家健
《蘋果》推出手機直播送錢遊戲節目《動腦Q》，幾日已經捆綁咗過萬會員。 互聯網圖片 適中字型 較大字型
說過了，想挑戰千萬訂戶，肥佬黎先要記得九年前壹斑碼微收費制的經驗，還要弄清今天《蘋果》市場定位有甚麼讀者、喜歡玩甚麼遊戲。說時遲那時快，《蘋果》新聞網上版還未推行會員收費制，上星期率先推出手機直播送錢遊戲節目《動腦Q》。《動腦Q》這一小步，我認為是肥佬黎挑戰千萬訂戶的壹大步！
科技界有一名言，網上世界賺錢有兩大法門：捆綁和鬆綁。當年iTune賣$0.99一首歌是鬆綁，今日Spotify收$9.99月費任聽是捆綁。是的，訂享經濟（Subscription Economy）可以視為一種捆綁銷售。新聞捆綁遊戲，《紐約時報》著名的猜字謎遊戲有過四十萬訂戶，《蘋果日報》的《動腦Q》每次亦有過萬用戶參與。問題是，紙媒世界猜字謎捆綁新聞皆因印刷時有範疇經濟（economies of scope），網媒世界兩者大可鬆綁，而事實上紐時的猜字謎遊戲亦可獨立訂享。《動腦Q》卻不但捆綁在《蘋果動新聞》手機App，參加者還要先登記「壹會員」，贏出後亦要透過預先登記的PayPal賬戶領取獎金。
女友Babe問：「肥佬黎半年前話搞訂戶制，照抄《紐時》有幾難箒？」我答：「香港地，有質素嘅新聞會俾人快快抄襲，有品味嘅讀者要自己慢慢培養。你睇過《蘋果》嘅讀者留言，就知佢哋唔同紐約人咁品。」她再問：「讀者唔畀俾錢，嚟玩遊戲攞著數嘅反而肯？」我再答：「捆著我，愛著你：Sometimes it takes more than love to bind people together。不扮高深，攞著數先係香港精神。《動腦Q》幾日已經捆綁咗過萬會員，登記埋PayPal，第時轉做收費訂戶就方便得多。網上競爭只在一click之差，少幾個click，《蘋果動新聞》以後就更有競爭力。」
徐家健
美國克林信大學經濟系副教授
http://fb.com/economics3.0/
本欄逢周三刊出
MyGut者言 - 徐家健 舊文
來源 source: http://hk.finance.appledaily.com
