【魚樂無窮】爆升股的操作技巧（唐牛）
上周在本欄推介大麻概念股美瑞健康（2327），一星期下來狂升五成，資金飢餓程度固然可怕，集團亦善用通告令股價火上加油，最新宣佈聯營公司雲南漢素及其控股股東漢麻投資，與上海綠馨擬以合營方式，以開拓應用提取自工業大麻花葉萃後基礎材料於電子生物健康產品的
業務機會，註冊資本3077萬元人民幣。簡單而言，合作令雲南漢素的工業大麻產品，應用範圍變得更廣泛，在這樣的憧憬下，股價便一飛沖天。
現階段應該食糊定繼續揸，我實在唔識答，最新市值未夠30億銀，睇淡嘅可以話炒過龍，睇好嘅目標應該係100億！驚見頂又怕蝕底嘅，最簡單就係沽貨獲利至一個安心水平，做到零成本嘅當然更佳，令自己立於不敗之地，後市升跌都感覺良好，就係最佳的操作。
港股在高位走勢開始飄忽，以昨日為例，恒指最多升逾200點，其後一度倒跌，埋單又抽上升115點，無他，累積升幅已大，板塊百花齊放，獲利套現乃人之常情，依然在戰場嘅，預咗要坐過山車，但要有心理準備賺頭蝕尾，斷估你唔係神，可以在最高位一股不留吧！
唐牛fb專頁
http://www.fb.com/tongcow88
魚樂無窮 - 唐牛 舊文
來源 source: http://hk.finance.yahoo.com
