智取大市 - 晉佳 2019年5月8日
馬上成為壹會員
會員註冊/登入
【智取大市】靠股神思維抗貿戰 - 晉佳
股神畢菲特。 資料圖片 適中字型 較大字型
中美糾紛，談判可能一直唔會有最終協議，話有，你都咪信。
最近有消息話習近平不滿劉鶴傾返嚟嘅條款，於是要求推倒之前傾嘅內容。單消息睇完得啖笑，由幾時開始習近平層次嘅國家機密可以流到畀傳媒知？更重要係，𠵱家股市升咗咁多，雙方都有本錢爭拗嚇。特朗普發功後，A股跌得急過美股咁多，理論上中國係急啲求和嘅一方，最不利係美股竟然唔跌，特朗普仲要有向聯儲局施壓減息嘅王牌等住出，嚟緊有大把籌碼向中國施壓，A股以至中資受累貿戰股應該仲要捱落去，避嚇冇壞。
前幾日股神畢菲特喺巴郡股東會場外回應記者提問，講到如果要乘搭737 MAX飛機，佢連一秒鐘都不會猶豫。股神背後理念好簡單，正正因為波音衰咗喺737 MAX呢單嘢後，一定竭盡全力令到失事飛機型號接近完美地安全，先至再推出市場，否則公司等同自殺。喺貿戰裏面乜時候安全？就係喺市場信心脆弱嘅時候，就係就嚟曙光初現之時，之前12月畀咗個政策底大家睇，似乎美股大跌，中線先係雙方停火之契機。當貿戰啱啱又發酵之際，較少受貿易戰因素影響嘅優質板塊，例如生科股、品牌升級內需消費股，相信係較穩陣選擇。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.finance.appledaily.com
