亮說亮話 - 湯文亮 2019年9月17日
【亮說亮話】搵地小組應該做的事 - 湯文亮
前土地供應專責小組主席黃遠輝。 資料圖片 適中字型 較大字型
大家睇到特首林鄭月娥被連串示威活動搞到失魂落魄，都唔似香港特首，大家千祈唔好話林鄭，以一個手下無兵無將女人仔可以捱到今日，我認為她已經贏了。有人唔明白林鄭是香港特首，點解我會話無兵無將，老實說，香港有很多公務員，但不是屬於林鄭，即使由她精心挑選，都不一定效忠於她，所以，我認為在人事任命方面，她絕對是一個失敗者。
林鄭上任後不久，便搞了一個土地供應專責小組（下稱搵地小組），搵黃遠輝做主席，有30個成員，每一位都是猛人，以18個月時間找出搵地方法。其實了解地產行業的人知道，這是一套大龍鳳，如果政府官員搵唔到地，非官方的搵地小組一樣搵唔到地，大家預計到結果，樓價又怎會不升。
林鄭究竟要主席做甚麼，簡單一句，就是向地產商開刀，如果唔強行收地，根本不能夠解決房屋問題，但小組做了18個選項，始終避重就輕沒有說明應該向農地擁有者收地，由此可見，搵地小組唔想得罪地產商，林鄭無辦法，唯有親自出馬，在民望極低之下提出收地以及新樓空置稅，一來殺地產商一個措手不及，二來替自己沖沖喜，估計地產商最後都會屈服，房屋問題有機會解決，但樓價就應該會下跌，以小型單位的跌幅會最大。
湯文亮
mailto:jacinto.tong@gmail.com
本欄逢周二刊出
jacinto.tong@gmail.com
亮說亮話 - 湯文亮 舊文
來源 source: http://hk.finance.appledaily.com
