大市表現不濟，不少投資者打算趁機收集優質股。
事緣美國眾議院議長佩洛西九月二十四日突然開記招，宣布對美國總統特朗普進行正式的彈劾調查，佩洛西直指「沒有人淩駕於法律之上」，今次彈劾理據並不是通俄影響選舉結果、懷疑避稅或妓女掩口費的陳年舊事，而係美國媒體爆料話，特朗普於二○一九年七月，曾在
一次通話中，八次向烏克蘭總統澤連斯基（Volodymyr Zelensky）施壓，要佢調查二○二○年民主黨總統熱門候選人拜登的兒子亨特（Hunter Biden）。
考慮期權莊家開價 計算「撈底價」
估計今次可能會斷正，因為科技進步，以為好秘密的談話都可以被錄音，搞到人人都知再無秘密。另外，外媒指，特朗普在與澤連斯基通話幾天前曾下令凍結對烏克蘭的近4億美元援助，以切斷軍援方式逼烏克蘭對拜登進行調查。事件愈鬧愈大。道指在消息傳出之前本來升129點，但尾段最多挫245點，即係呢個消息令道指無咗374點，美股收市前雖有所反彈，但收市仍下跌142點或0.53%。
淡友估十月見二萬四
自然地，昨日港股無運行，繼續發揮跟跌唔跟升的習慣，恒指收報25,945，跌336點。如果觀察期指倉位，上周接近250日線27,373之後連跌6日，見到九月十九、二十及二十三日都不斷有期指加倉，呢三日的加權平均價大概係26,520點。期指市場係零和遊戲，有大戶見跌咗超過千二點博反彈，也有莊家為淡友接貨。總之，後市睇26,070至26,520呢兩個位，會唔會再食1,200點，見25,320（26,520-1,200）呢？十月見到都唔出奇。
咁投資者要入市撈底咩位入比較安全？其實，以打兩個回合（即約2,400點）計算，即係大市跌到24,120（26,520-2,400）照計會有支持，十月睇呢個位。最近十月好多PUT都係做24,000至24,600。
如果想儲優質股票，有個簡單方法。參考路透綜合分析員評級比較高分的股份，選出騰訊（00700）、平保（02318）、中海外（00688）、友邦保險（01299）及新世界發展（00017）等股票，再找這些股份九月股價高位，然後找引伸波幅再除以2，最後得出股票期權莊家在市場呢一刻預計的「合理」撈底價。
期權及程式交易專家 金曹（本欄逢周四刊出）
Money18更多即時港股指數資訊
上一則
下一則
股市權法 - 金曹 舊文
