魚樂無窮 - 唐牛 2019年10月24日
【魚樂無窮】一招觸發大反彈 - 唐牛
放寬按保新政策出籠後，美聯股價反彈逾兩成，一吐烏氣，斷估冇咁快炒完。 資料圖片 適中字型 較大字型
港股市場開始風水輪流轉，熱炒板塊如新經濟股連續兩日急降溫，無他，當街頭巷尾都話要炒美團（3690）、平安好醫生（1833），調整乃必然的事，從好的角度出發，休息是為了走更遠的路，日日升嘅話肯定會爆煲！
同一時間，長期被市場冷待的本地零售股，股價卻有復蘇跡象。「唔係話經濟衰退咩？點解反而有得炒？」記住，股市永遠走在經濟之前，以莎莎（178）為例，曳絕數據甚至盈警出籠後，股價依然企硬在1.7元水平，意味已price in相關壞消息，如今政府大打經濟牌谷旅遊，莎莎立即翻生，今日更高見2元水平，從圖表出發，下一站目標2.2元。
長期積弱的還有美聯集團（1200），近年走勢完全與樓價大升浪脫節。冇計，近年政府對樓市加辣再加辣，由按揭至稅收全方位打壓，令二手市場冰封多年，美聯當然冇啖好食。不過，最新《施政報告》突然放寬首置人士按保計劃的樓價上限，二手成交隨即大旺，上周十大屋苑成交勁升逾兩倍，數字更為27周新高。新政策出籠後，美聯股價反彈逾兩成，但仍處於十年低位，憧憬未來二手小陽春下，呢隻本港唯一物業代理股，難得一吐烏氣，斷估冇咁快炒完。
唐牛
http://fb.com/tongcow88
本欄逢周二、四刊出
魚樂無窮 - 唐牛 舊文
來源 source: http://hk.entertainment.appledaily.com
