廣告經綸 - 文廸晞 2020年1月3日
【廣告經綸】保安公司成逆市奇葩 - 文廸晞
如今警察進入私人商場似成例行公事，令一些特別有經驗的保安公司特別吃香。資料圖片 適中字型 較大字型
近幾個月，但凡有警察的地方便有衝突，似乎已經變成定律。所以，平安夜、聖誕節，蘭桂坊都係聘用保安公司而不是用警察。剛過去的除夕倒數亦只派出民安隊，不見警察出嚟維持秩序。
各區大大小小商場，成為「和你Shop」熱點，如今警察去海港城及新城市，由初時被質疑進入私人商場是否合法，至今已經變咗例行公事，簡直等如食完飯落街行個圈咁簡單。
香港，正所謂幾十年如一日，安穩的日子過得太久，尤其商業機構，真的不習慣面對最近持續性的混亂局面。應運而生的就是一些特別有經驗的保安公司，有間本來年頭只得70人的公司，經歷了短短數月，急速發展至今天的350人。聽聞近排更試過，有一個商場在24小時內經該保安公司招聘了160人作駐場保安。所以，他們預期在不出一年，公司會繼續膨脹，配合這個急增需求，他們將由灣仔搬去中環的5千呎新寫字樓，足足大咗4倍。
這些保安公司的收費一啲都唔嘢少，聽聞有些保安員日薪可達幾千蚊之多。何解咁吃香？他們的老闆個個都經驗豐富，更識得喺最啱時機，離開警隊出嚟自立門戶，不論反恐定G4，由部署到執行都頭頭是道。其聘用的保安員，好多都係外籍人士，正所謂唔打得都睇得，壓得嚇場。
很多時，一些到位的保安能夠發揮恰到好處的功能，紓緩警方及示威者的緊張局面，中間充當一個緩衝及執生的角色，把危機化險為夷。
這段時間，放眼仲有甚麼行業可以不跌反升，發過豬頭？專業保安就係當中的最佳代表。而且計我話，想商場、飲食娛樂場所開門大吉，繼續Happy，不妨一試這些猛料保安公司，睇睇2020年有冇轉機。新一年，保平安不用求神，不如搵間好保安公司更實際！
文迪晞
mailto:heyadmen@gmail.com
heyadmen@gmail.com
廣告經綸 - 文廸晞 舊文
來源 source: http://hk.entertainment.appledaily.com
