MyGut者言 - 徐家健 2020年1月15日
【MyGut者言】過渡屋應是這樣 - 徐家健
新地上周宣佈捐地發展過渡性房屋「同心村」。資料圖片 適中字型 較大字型
繼新世界（017）、恒地（012）、會德豐（020），上星期新地（016）執行董事郭基煇宣佈，新地與聖公會福利協會在元朗東頭興建的「同心村」，預計在2022年落成後可為1,600個基層家庭提供適切居所。
驗樓直擊，這個新地第三代口中「很有參考價值的過渡性社會房屋項目」，究竟有甚麼參考價值？根據新地的新聞稿，同心村有5大特點：（一）位置便利，配套齊備，地盤整齊，落成期短；（二）空間設計，以人為本；（三）市集墟市，社區共融；（四）康健指數，關顧身心；和（五）提升技能，就業支援。
即使未有現樓，明眼人都看得出這5大特點其實缺一不可。偏偏，其他發展商早前公佈的項目，不是離港鐵站太遠，便是未有學校街市等社區配套。優先聘用居民為同區物管職員的就業支援，更是新地獨有。
女友Babe質疑：「你唔係對過渡性房屋一向有保留嘅咩？點解今次好似幫人賣樓盤廣告咁？」我解釋：「有保留嘅從來都係佢哋嘅成本效益。過渡期太短，成本效益低；過渡期太長，成本效益又係低。除非計劃夠周全，喺本來可以起更多樓嘅地面興建地積比率極低嘅過渡性房屋，變相就係放棄規劃興建可持續單位嘅機會。」
她再問：「知道啦，咁新地呢個盤好周全咩？」我再解釋：「5大特點嘅參考價值，就係過渡性房屋都要有周全嘅交通、社區，同就業等配套，而唔係冇心去諗點改善基層家庭嘅生活環境，只趕住成功爭取捐地保平安。」
徐家健
美國克林信大學經濟系副教授
http://fb.com/economics3.0/
本欄逢周三刊出
MyGut者言 - 徐家健 舊文
來源 source: http://hk.entertainment.appledaily.com
