租客也可以秋後算業主的帳
多年前有一個朋友的食店獲得米芝蓮一星，但業主隨即在新租約加租，他當時別無選擇，唯有接受加租，心中當然不滿意。所以，一有機會便向傳媒大吐苦水，話業主是無良，寧願沒有獲得米芝蓮星，因為在奪星後生意的確多了，又賺多了，但賺賺埋埋都唔夠業主加租。雖然整體收入比以前略好，但工作量就
多了很多，根本是得不償失，但訪問出街之後，他又擔心業主秋後算帳，不但再加租，甚至不與我續租，問我有何良策。
其實這個世界，你驚我，我驚你，租客驚獲得米芝蓮星之後業主大幅加租，而業主亦擔心租客在奪星後離去，大多數業主都不敢大幅加租，但一定會有小部分業主加到盡，這是各人做生意的取向不同，我不敢評論。但做生意是雙向的，業主可以秋後算帳，租客亦可以秋後算帳，我亦見過不少業主在租客奪星後大幅加租，而且大多數都得償所願。因為租客無路可退，但到續約時，租客早有準備離開，莫講話加租，就算減租都唔會續約。
曾經有業主向我吐苦水，話新租比市價還要低，唔明白租客點解唔續約，他不知道，租客亦有權秋後算帳，千祈唔好以為業主大哂。
作者為紀惠集團行政總裁湯文亮
文章轉載自「AM地產」facebook:
http://bit.ly/2wls4EF
湯文亮專欄 舊文
來源 source: http://www.am730.com.hk
