疫情嚴峻，鬧都費事
上期講武肺疫情，事隔一星期，香港的口罩依然短缺，口岸仍未全封，新增確診數字繼續上升，前日更不幸出現首宗死亡病例，阿彌陀佛，衞生署警告或會現出大型社區感染，即是就算你成世人冇去過武漢未返過大陸，都可能行行下街中招，事實已有兩個新個案均沒外遊，疫情明顯進一步升級。其實觀
乎林鄭特首連日來的回應和態度，正常香港人已對政府由失望到絕望，很多人質疑林鄭唔封關唔戴口罩均屬「鬥氣」行為，就如反送中時拒絕200萬人的訴求一樣，你要就唔俾，我做嘢使你教？講真佢啖氣落唔到，我哋啖氣何嘗落過。
不如講個古仔，有人去酒樓叫隻雞食，老闆上碟雞籮柚，這人話：「搞錯呀，我叫咗一隻雞喎！」老闆答：「我唔明你指嘅雞係咩意思，雞籮柚都係雞一部分，你係咪歧視雞籮柚？你要顧及養雞嘅人嘅感受先得㗎，做人要識得大愛包容！」這人不肯就範：「我怕蘇，唔食雞籮柚㗎，你攞走佢，轉頭俾返我叫嘅嘢俾我啦，唔係我即刻行出門口！」老闆又話：「嘩！乜你咁激進㗎，你咁迫我係唔會得逞，同埋你有冇食客道德㗎？呢度唔食雙計！」雞，唔食唔使死，酒樓，唔食呢間亦可以食另一間，但可悲的是，做香港人冇得揀！ 但投資者可以揀地方，預計疫情緩和後，國內會出現一連串振興經濟方案，而且國內不及港人有經歷沙士的心理質素，到時要留意有無筍貨，特別是深圳。
HEA富專欄 - 郭釗 舊文
來源 source: http://www.am730.com.hk
