內地2月官方及財新製造業採購經理指數（PMI）全線急插，在反映中央放水救市的逼切性，是故數據公佈後，中港股市不跌反升，
三個字︰炒放水。根據《第一財經日報》總結各省分的大型投資計劃，預計總投資接近25萬億元人民幣，傳統的基建、水泥、鋼鐵股，新興的5G及手機股全線報復式反彈。「隻隻都升咗咁多，買唔落手喎。」拉闊啲睇，2008年金融海嘯後，阿爺4萬億救市，都唔係炒兩三日咁短癮啦，真係畏高嘅，搵有實力支持的股份介入會更安心，中聯重科（1157）係其中一個好選擇。
中聯重科主打內地工程機械及農業機械，最新預報去年盈利最多增長1.2倍，即每股盈利0.57元人民幣，市盈率將大降至僅10倍，以龍頭來說十分便宜。根據盈喜通告，集團受惠內地房地產及基建等下遊行業需求保持較好增速，加上新產品帶動毛利水平改善，配合即將出現的復工潮，可謂如虎添翼。還有一點要留意，中聯重科派息慷慨，連續多年有增長，現價預測股息率超過五厘，進可攻退可守，趁股價回落至6.5元樓下分段吸納，中線贏面甚高。
唐牛
http://fb.com/tongcow88
本欄逢周二、四刊出
魚樂無窮 - 唐牛 舊文
來源 source: http://hk.entertainment.appledaily.com
