【大茶飯】解拆美國基金季報（青冰）
【大茶飯】解拆美國基金季報（青冰）
美國大型基金剛向美國證監會提交季度報告，要申報上一季度的持倉，今次特別多
人重視，因為對於投資市場，上季係近年最恐怖的一個季度。更多
美國大型基金剛向美國證監會提交季度報告，名叫13F，要申報上一季度的持倉，今次特別多人重視，因為對於投資市場，上季係近年最恐怖的一個季度，究竟各大投資高手是如何應對環球股災呢？
大家最關心的當然是股神巴菲特的持倉，減持15間公司，包括摩根大通、高盛，通用汽車、西南航空及美國航空，清倉了6間，當中包括Travelers及石油公司Philips66。減持的股票多以金融股為主，所以市場普遍認為，首季已經跌到反艇，仲低位沽金融股，肯定是對全球經濟悲觀啦，股神並沒有採取別人恐懼我貪婪的策略，大家要睇路喇，但事實是否如此？
再看其他知名基金，索羅斯同樣減持金融股，包括摩根大通、花旗及美銀，但就增持遊戲公司Activision；3月時被傳會爆倉的橋水，結果冇事啦，而在首季就清倉金融股，繼續揸金，增持的竟然係中概股如拼多多、好未來及攜程等等；在雷曼一舉成名仲被拍成電影的基金經理Michael Burry，其基金Scion就大舉出手撈底，仲敢買波音添。
股神沽金融股有古講
投資市場訊息萬變，我們常說的滯後數據，是GDP之類的數字，但市場更重視非農數字，甚至是小非農ADP就業數字，因為夠領先嘛，可能由於今次聯儲局放水又快又狠，真係將市場泵返起，令股市同經濟前景嚴重背馳，所以見到大基金們紛紛減倉，便解讀成大利淡訊息。現在已是5月中，次季已經過了一半，基金們在強力反彈的4、5月是如何部署呢？其實客戶們十分清楚，因為基金經理會每月匯報嘛，是否重新建倉，還是繼續沽售，但你要睇季度13F，要去到8月先有呀，屆時係咩環境，仲幫唔幫到你建倉，真係答你唔到。
回應返上文股神的減持行動，青冰建議大家重看他早前的股東大會，相信比3月底的持股數字更update，青冰不厭其煩去睇返巴郡在2月時公佈的去年第四季申報，當時減持了八大股份，Wells Fargo、高盛、Travelers、Philips66、蘋果、美銀、美國航空及Bank of Mellon，當中Philips66沽剩廿萬股，高盛就狠沽三分一。只要戰友相比返首季的減持名單，其實都係熟口熟面的，沽金融股為主，理智分析一下，巴郡第四季已經減持金融股，上季只是延續行動，你點肯定股神係3月低位沽金融股呢，因為13F是不用申報幾錢沽的，但3月季結，3月亦是大跌，「順利成章」認為股神低位沽貨，是極之利淡，究竟是否合理，留待戰友思考吧。
青冰
http://www.fb.com/chingbing888
本欄逢周二刊出
大茶飯 - 青冰 舊文
來源 source: http://hk.finance.yahoo.com
