【智取大市】冧市再度港股行先 - 晉佳
最近一場世紀疫情，美國投資者好明顯「相信政府」，所以經濟差勁，股市仍然破曬頂。 資料圖片
點樣先反映國民甚至全世界係真正咁「相信政府」？股市往往係一個幾好嘅答案。
08年海嘯，曾經令美股投資者唔再相信政府以至聯儲局有能力解決當時嘅問題，結果QE過
後，市場重拾信心。最近一場世紀疫情，美國投資者好明顯再次「相信政府」，經濟差勁同時股市破曬頂。聯儲局鮑威爾啱啱講到大概已保持市場正常運作，仍強調政策目的係要喺物價穩定同時令就業最大化，完全未擔心核心通脹。即係話，只要多人失業，同時通脹未惡化，未來都仲係谷、谷、谷。市場認為聯儲局成功咗一半，至於重啟經濟將會遇到嘅問題的確好多，但經過幾個月去諗下一步兼且去設想唔同scenario，加上聯儲局可用工具暢通無阻之下，暫時佢絕對未識寫個驚字。
美國經濟重啟後，樓市、實體經濟加上鬥搶資金，目前美國民主共和兩黨就新一輪1萬億美金救市計劃拉鋸，變相將潛在好消息拖長，令美股呢一浸狂牛活耐些少。上述提及股市資金流備受衝擊，亦唔係突如其來。按目前情況睇，投資者好心水清知道邊個政府比較值得相信，港股似乎比美股先一步成為提款機，所以短期嚟講，持港股要比美股小心。
晉佳
http://fb.com/advanceguy1
智取大市 - 晉佳 舊文
來源 source: http://s.nextmedia.com
