【中環在線】林順潮「鸚鵡論」談遠見 - 李華華
國安法殺到，有人言論轉軚、有人抽水、有邊個好似眼科醫生林順潮咁始終如一？
林順潮七年前北上開醫院，佢間希瑪眼科（3309）早前以先舊後新方式配售6,800萬股，集資3.9億元，林順潮指會物色具收購潛力嘅內地眼科醫院，並獲內地發牌發展網上問診
。佢寄語香港年輕人，目光要放得遠大，中國係兩大巨頭之一，香港近水樓台，唔應該錯過大好機會，「國安法係針對叛亂，如果你叛亂，全世界都會捉你，你冇叛亂就無事啦！」
早前一個活動，佢仲借用一個鸚鵡故事，告誡大家處事要有「遠見」，「一隻鸚鵡不停鬧主人，被放入雪櫃懲罰，唔夠10秒鐘鸚鵡就立即收聲，仲恭恭敬敬咁跟主人說話。」原來鸚鵡喺雪櫃見到已被殺嘅火雞，怕自己落得如此下場，「呢隻鸚鵡好有Insight，見勢色不對就立即改變位置自救。」
要做到林順潮咁識「轉身」並唔容易，他當初同爸爸話想返大陸開醫院，爸爸啞口無言，以為佢講笑。佢又話：「爸爸話當年為我哋前途，不惜冒生命危險由大陸偷渡來港，但現在竟同佢講返大陸發展？」佢話冇後悔冇聽從爸爸建議，因為內地做醫生幫到好多人，好開心呀！
李華華
mailto:LiWaWa@AppleDaily.com
林順潮寄語香港年輕人，目光要放得遠大。 中環在線 - 李華華 舊文
來源 source: http://s.nextmedia.com
