士佳說 - 張士佳 2020年9月18日
精華版：熱點
精華版：熱點
週初指數都反彈，到達24843水平，個股則由#1211比亞迪帶頭狂升，不同股都似蠢蠢欲動，我前日又向大家撥冷水，叫大家不要貪勝不知輸，買兩元要沽元半，兼且要做對沖，怕的就係昨天。
有聽我話做對沖的尋日不致太徬徨，另外我有特別寄語大家淡恒好國，昨日看好就國指，看淡就恒生期指，中晒，兩者相差很多，呢個行動包括對沖，包括淡恒好國到今日停了，有執行的應該中到不亦樂乎。
港股雖然跌破了所有均線，但看到積極的一面是夜間美股期指在下跌的時候，夜期表現平穩，並沒有繼續恐慌。但港股要真正回升，必需先在低位成功引發抄底資金進場，才有望得改善走勢。現階段唯有控制注碼，牢牢抓住市場熱點才能賺錢。
識得搵熱點股，尋日噉嘅跌市，股价照上昇，識方法同匿埋眼，等運到好唔同，好似#1810小米集團，我哋26元走，前日都講過似跌多，昨日跌穿了重要的20日線，看這趨勢恐怕是要回補8月27日的裂口，待回到19-20元先有得再諗，市場風向不可不察。
以下係熱點的一部分：
汽車股#2238廣汽集團，#2333長城汽車，#1585雅迪控股延續氣氛逆市上升，現在我只係持有長城，因為唔可以太心雄，所以1585昨日走了，等2238回一回破頂先買。
另，車產業鏈#3606福耀玻璃也發力突破創新高，筆者先前已提了幾次玻璃相關產業要逢低吸納，呢兩日＃6865福萊特玻璃亦炒了上來。
呢兩日有兩隻我關注嘅股票配股，一隻係＃1821ESR，尋日話做陰燭就走結果做唔到陰燭，噉今日會趁反彈先走一半，陰燭跌穿尋日低位22.9走埋另一半，暫屬於失敗之作。
#1772贛鋒鋰業亦配股價，觀乎其股價低位有資金買入，股價很快便企稳沒甚受配股消息影響。其基礎鋰廠改擴建項目(三期)建設進展順利，預計該項目於2020年底前投產。有大行給予贛鋒鋰業目標價43.5，升穿41.9走勢似好，但唔怕電池日翻天覆地唔再用鋰才可博。
另一焦點#2338濰柴動力在昨日發布全球首款熱效率突破50%的商業化柴油機，分別獲中德集團頒發證書，這將成為濰柴未來拓展的重要產品，並在重型卡車行業重獲市場份額，此股沉寂咗兩個月，這幾天積極反彈，睇下有冇力試17.xx。
昨日提到的雲計算悄然成爲了市場新的風口，港股我亦有兩隻相關，第一隻係同大家提過嘅雲計算相関股#856偉仕佳傑，昨日再度逆勢上漲5.79%，另一隻持股#268金蝶國際也得市場關注，尋日亦都係逆市上昇，公司與雲相關的業務遞延收入同比增長97%，金蝶雲蒼穹(COSMIC)收入同比增長超過3倍，並在上半年簽訂了106份新合同，當中有78份爲新客戶，持續看好其增長潛力。
人民幣升值概念也是繼續發力，手上持股龍頭＃2689玖龍紙業小幅上漲，peers#2314理文造紙更大漲9.71%。仲有好多熱點，講住咁多先，學生可以試下搵出嚟再向我求證。
士佳說 - 張士佳 舊文
來源 source: http://skycheung.weebly.com
