士佳說 - 張士佳 2020年11月18日
【#士佳說 】張士佳：走呢啲買嗰啲
【#士佳說 】張士佳：走呢啲買嗰啲
疫苗迎來MODENA的好消息，除了比輝瑞成功率更高，兼可在冰箱維持穩定30天，比輝瑞的-70度門檻降低好多，2021年仲話可以量產，話做 5-10億劑，呢個真係人類好消息，但對港股大市而言，只係一般般，升唔起，正如我昨日起的題「唔似升得多」。
科網股直情係跌，我的沽阿里揸京東組合前日拆半可以，尋日大跌走一走位，無乜著數。現在仍半注在手，諗番當日一大堆專家話螞蟻上唔到，只影響阿里幾個百份點，我就話無可能咁少。風清揚聲稱退隱江湖，卻出來挑戰東方不敗。多年部署被打壓，又豈會咁簡單。阿里#9988由$309.4跌到昨日的$245，跌了10幾巴仙，專家朋友都類比當日王者榮耀，噉呢啲專家真係唔知國情喇，一個係當日打遊戲，另一個係打話事人，係真正嘅話事人，請謹記我哋唔可以too young too simple sometimes naive，噉你話跌夠未，散戶都問撈得未，又點會夠，不過先前跌得凶，所以近日好番D，昨日是ATMXJ中跌最少的，相信反彈總會來，但跌完？談何容易。
五岳劍派同氣連枝，風清揚出事，左冷禪，岳不群等都唔會好過，但他們其實都各有各算盤，風清揚失勢，其他劍派都去搶他的地盤，但誰都未撈到好處。連物在異地的日月神教PDD拼多多昨晚都下跌，可見今次那份指南多利害，不過我相信除了話事人外，其他受牽連者，唔會長期受壓，所以TMXJ我睇唔係上落市,但不要太心雄，才剛下跌，低位吸些，真正迎來調整完發力向上時才再買也不遲。而當中我暫最看好J，始終交出一份亮麗業績。
那邊廂傳統股就升得好好，本地地產不錯，我喜歡的長實#1113續反彈，另一持倉#14繼續陽燭，連二線的嘉華#173都升埋，我都有捧場。仲有率先破頂嘅內銀招商＃3968今日又創新高喇
上次第一次疫苗消息，我話睇好北京首都機場股份#694 中國民航信息網絡#696，貪佢食到航空復甦，又唔洗擔心油價，兩隻都即升，但昨日#694再破頂，#696就破不了，汰弱留強，續持有#694。
汽車股比亞迪#1211捱調，我$203出清，$19x，$18x買番d，約佔當日一半，尋早叫大家趁TSLA盤後大升，＃1211可出番些，結果一開已差不多全日最高位，暫揸住當日3成就差不多。另，175我雖然不早買，因買唔到咁多，#1211及#2333跑贏曬佢，我走了長城#2333，都有轉買吉利#175，貪佢有後勁，暫續持有，應暫跑贏#1211。
消費股續升溫，但我開始食因湊湊而出名的呷哺呷哺#520我食曬，農夫山泉#9633我食半，反而去買了#2331李寧，運動衫無嫌多。
順周期股像建材，工程機械都食正復甦，內偱環消費股升咁耐，都應該輪到順周期，這亦是那金屬股升溫的原因。大家睇我先前有品題嘅紫金2899及1378中國宏橋，全部創曬新高，有讀者問嗰日黃金大跌使唔使走2899，我都話左2899並唔係因為金，而家升咗咁多你哋自己搞啦。
仲有先前提嘅海運股升到上咗太空，噉升法，海運貨物用乜嘢嚟裝架，有冇得諗呢？
呢樣又買果樣又買，我唯有走多些科技類呀，升到飛起嘅電動車玻璃呀等等等等，我相信基金經理人同此心，所以，科技暫時都無計。
士佳說 - 張士佳 舊文
來源 source: http://skycheung.weebly.com
