異動空間｜趁壞消息入場實例（魏力）
美股3萬大關前回氣，銀行、石油、貴金屬、航空等傳統股回調，近日在小弟inbox狂呻無位上車的戰友，機會來了。當然，接下來的問題就是：回幾多先買？可唔可以再回深一點？連回幾日之後又會問：係咪見頂了？跌到驚唔敢買。結果問完一大輪都係空手而回，相當有趣。
日前壹週刊webinar就舉到個例子，維珍銀河（SPCE）原定於本月19至23日試飛，但上周末突然宣佈，因疫情要無限期押後試飛，消息拖累SPCE周一（16日）急挫1成，當日魏力就趁恐慌在20美金落第二注，皆因押後不等於停飛，待疫情緩和就會再推進，故憧憬仍在。
此外，公司目前的現金足以「零收入」燒三年，而目前預期2022年就會有錢回籠，故現金流問題暫時不大。及至周三（18日），SPCE已升穿押後試飛消息前的水平，高見23.69美元。破位跟衝好多人都識，但正因太多人用，中伏機會就越來越高；至於反其道而行趁跌買，就需要邏輯思考及冷靜的頭腦，技術含量要高很多，有志進步的戰友，可循此途徑不斷練習。
港股隨隔晚美股回落，資金轉為炒股不炒市，跟國策流去汽車、家電、餐飲股搵食，促進汽車消費、以舊換新呢類政策，較受惠應是4S股，個人仍是最鍾意走勢又穩又靚的中升（881），其他如美東（1268）、永達（3669）唔係唔得，但股價波動好多，適合炒多過坐。
魏力
筆者為證監會持牌人，持有SPCE及中升財務權益。
www.facebook.com/2012jason
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
異動空間 - 魏力 舊文
來源 source: http://hk.news.appledaily.com
