異動空間｜港股煙花繼續放？（魏力）
拜登佔上風，港股照大升。資料圖片
拜登勝算高唱入雲，就算特朗普入稟要求重新點票，都無阻全球股市放煙花。「又疫情惡化，又選舉爭議，咁都有得大升？」魏力認為無謂深究，反正市場錢太多，投資者要樂觀時，對負面訊息可以充耳不聞，甚至當好消息炒，過去幾年「經濟數
據差，所以憧憬放水令個市升」呢一類理由，難度各位仲聽得少？
「目前市況應如何操作」才是更值得去問的問題。從大戶博奕角度，最簡單打開牛熊街貨圖去睇，25,500至25,600最後一個重熊區都清哂，理論上即時再推高的誘引不大，就算劇本係再推上，先「後抽」儲幾日熊仔街貨似乎較合理。
走勢圖分析，恒指自7月以來首次突破250天線（25,419），兼且升穿今年1月以來的下降軌，仲有大成交配合，睇落相當靚仔。不過，今年7月初仲出現同類情況，突破下降軌大成交爆上，但升市只維持了3日，9 RSI衝到77見頂，當日成交額2,500億元。至於今次恒指9 RSI約處72水平，成交1,767億元，從超買、成交分析，都未見非常超買或「散貨」的現象。
想買貨可以買乜？周三（4日）在網台節目提供了四個板塊：內需、醫療、物管、教育。拜登對華政策有待其本尊闡釋，目前市場憧憬China Joe純過隻羊，當中美回到從前蜜月期咁去炒，似乎過於樂觀，所以魏力挑選的都是與中美局勢關係不大的行業，加上9月以來已作深度調整（特別是物管股），而行業增長趨勢持續，相對值博率較高。當然，如閣下認為侵侵會「玩嘢」搞寸個場，靜觀其變亦無壞。
www.facebook.com/2012jason
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
異動空間 - 魏力 舊文
來源 source: http://hk.news.appledaily.com
