士佳說 - 張士佳 2020年12月2日
【#士佳說 】張士佳：小米大抽水，點睇？
【#士佳說 】張士佳：小米大抽水，點睇？
耶倫落實做財長，藥廠Moderna稱第三階段臨床測試顯示，新冠疫苗有效率94.1%並已向美國申請緊急使用許可，美股隔晚做好，帶動亞太地區股市做好。而11月中國財新製造業PMI錄54.9創十年來新高，港股經歷前日大跌後出現反彈。
雖然美國納指破頂，但本港科技股只是徘徊，美團業績雖好，但昨日都提到過隱憂不小，前日叫大家走美團#3690開市價$310成絕響。自2019年三月以來，我每次都博美團業績，效果唔錯，但係今次選擇唔搏，梗係睇到，少少蛛絲馬跡，呢點以後做視頻再講。以目前來看，我估美團需要一定時間先調整完了。
ATMXJ噩耗連連，今日輪到小米X #1810，讀者應該知道我好多日都冇睇呢隻，因爲我都覺得雷軍會抽水，但點都諗唔到係10億股新股，配售價折讓約6.3%至9.4%，2018年IPO當時淨集資295億元，大半ipo集資額喎，如此需要資金，雖然話急於打入歐洲市場，但亦不至於如此，避之則吉。ATMXJ中，我A就中美股都沽空，我只持有J正股，T就SHORT PUT，如果J，陰燭收穿近日抵我都會走埋，現在ATMXJ，不是談戀愛的時候。
好事成雙，比亞迪#1211近日向中證監提交新增發行H股的申請材料，會在5個工作日通告會否受理申請，不過暫未確認發行規模。新能源車正是大家的矚點所在，把握時機向市場抽水也是合理，我相信陸續有來，但比亞迪會好啲，因為佢有條水喉叫畢菲特，我而家摣住半注，唔係好驚，反而尋日小鵬出業績，我係大手沽空咗XPEV，初步見業績反應唔錯我就平一半淡倉，食糊食得太早，跟住就跌返落去，我當日講電動車似當日可以貨幣，嗰個散戶開口埋口NIO／XPEV/LI，暫時俾我烏鴉口講中，我沽空埋NIO，好在只有#1211及TSLA（我口中的bitcoin），不過，相信冇幾耐都會小調，今日我連創新高的兩個輾#1585都食一半。
另外高位配股的還有龍湖#960，擬配售1億股，當中發行新股、舊股各佔一半，折讓4.5%至7.5%，都是正常動作，內房正處緊張時間，預定資金守門口都不為過，#960是內房中，表現最好的，如果連佢都失手，內房就麻煩，我冇內房在手，但都密切留意，今次配股行動對#960股價的影響。
寫到咁灰添，噉又唔係我收咗衫則壞消息出嚟講嗻，都有好嘢嘅好似前幾日同大家講既百富#327，指數rebalancing拉左佢落去，提供入市好機會，尋日一舉升36巴仙，如今日再抽高會1/3，等陰足先至食曬，再陽燭破頂又買過，咁多版塊需呢一個版塊好，唔應該放過。你睇我有提既另一隻#阜博3738就知升得幾恐怖。909856，你知道我在等你嗎？
最後，講啲無稽嘅嘢，我最近嘅lucky number係13，買的13xx，都升到嘭嘭聲，1378/1302/1308/1337/1382/1347/1316（未嘭嘭聲），雖然當中有些仍持有，有些已獲利離塲，昨日又加注咗前三，都有斬獲，今日又有一隻陽燭破頂會諗嘅13xx，此股自從出咗業績，就築圓底，希望這個13幸運夢可以持續啦，不過，純屬無稽巧合，大家唔好太在意。
士佳說 - 張士佳 舊文
來源 source: http://skycheung.weebly.com
