李華華Online｜新世界搞虛擬酒會 純官隔住個Mon祝酒慶集團50周年
新世界主席鄭家純（左）、執行副主席鄭志剛（右）。
疫情嚴峻，政府叫大家減少聚會，新世界（017）為慶祝Victoria Dockside正式開幕、同埋集團成立50周年，就透過視像直播搞咗個「Virtual Coc
ktail（虛擬酒會）」，叫埋一班管理層喺K11 Musea商場嘅金色聖誕樹前，隔住個mon祝酒慶祝，「純官」鄭家純、囝囝鄭志剛（Adrian）同囡囡鄭志雯（Sonia）都有份上鏡。
Adrian話，由新世界中心到今日嘅Victoria Dockside，喺集團創辦人鄭裕彤嘅代表作，亦由父親致力打造，他喺10年前邀請逾百設計師參與重建項目，為該地標注入更多文化藝術元素，相信能助新世界集團轉型成文化企業。他又話，相信集團可以企業力量回饋社會，特別喺目前具挑戰性嘅環境下，要思考咩係最重要、同有能力做嘅事，要為社會作出更多貢獻。
新世界一班董事局成員亦有係直播現身，包括非執行副主席杜惠愷，執董薛南海、黃少媚、趙慧嫻，非執董鄭家成，獨立非執董楊秉樑、梁祥彪、李聯偉同葉毓強，都幾乎全人到齊，華華都希望疫情盡快完結，大家真係可以喺現場飲返杯啦。
-----------------------------
掌握理財智慧 感受生活品味
investMAN全新網頁 優雅登場
-----------------------------
部署退休 輕鬆達至財務自由
點擊即睇《退休理財天書》
-----------------------------
【全球樓行】 Dream House零距離
屬於香港人的移民攻略
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
中環在線 - 李華華 舊文
來源 source: http://hk.news.appledaily.com
