士佳說 - 張士佳 2021年5月18日
【#士佳說 】張士佳：板塊跟進
【#士佳說 】張士佳：板塊跟進
大市續上升，裂口高開維持不了裂口到收市，我們仍在沽期持股中，有唔少朋友問維持到幾時，股場最需要的不是勇氣，是耐性，現在持股沽期，都幾好啊。
昨日都係爆我品題的醫美，沽期揸股，除笨有精，到真係需要拆時，我一定會提大家，現在升勢都幾強橫，甚至對壞消息充耳不聞，台灣新加坡有疫情蔓延跡象，原月底啟動的旅遊氣泡，突宣佈押後，港府更將星洲列為高風險地區，旅客抵港要隔離21天，所以，經濟周期股普遍回落，銀行賭業酒店及航空均下跌。
大市火車頭來自科網，美團更是最佳藍籌，QQ上番#600，其一年一度遊戲發布會，有40款新GAME，話線上下協同效應加強咁，周四業績，好多大行都估增長25%，唔知係咪炒定先，小心駛得萬年船，我繼續一股呢D都無。
我都係喜歡玩另類的，像京東物流招股，我就留意#1308海豐，物流板塊中遠海控#1919昨日一枝獨秀，太平洋航運#2343就唔行，未係全板上，海豐#1308都係博佢近止蝕而已。反而尋日提大家的春立#1858就爆得好好，應該係醫療器材之中最好，所以識睇圖是著數。
醫美方面#復銳醫療科技1696昨日爆升10%，我趁機食半，復星醫藥#2196唔行，無咩蝕，就走位先，陽穿頂再入，最爆嗰隻是只太細唔方便喺度透露，係三個星期前周一上堂講嘅＃919，呢隻都爆了，所以選擇食D食D，至於四環#460持有，必瘦站#1830，醫思健康 #2138持有，我都係選擇破頂會食。醫美係近日持續爆升的異數板塊，還好上月我在SUN CHANNEL提大家。當時應無人提過，點知？又係睇圖，另一個昨日爆的板塊，教育，我手上唔多，得兩隻，始終我對教育股都唔太信任。
國務院最新公布《民辦教育促進法實施條例》，令昨日內地教育股爆升。可是，教育板塊一直是政策主導為主，一個政策的微調足以令股份大上大落，變化及節奏較難掌握。
另，李寧#2331遭股東配股，意料之內，股價應有調整了，未必能像安踏#2020配後再升，配股頻頻，消費股要小心。至於持有很久的思摩爾6969昨日發力，看何時突破$58.7，有加注的機會。
風險資產市場通常充滿人的情緒容易一窩蜂進出市場，除了台股，還包括本港科技股、美國納指、企業債券，當然還少不了加密貨幣；受教主馬斯克的言論影響。先在上週指Tesla因環保因素不再接受比特幣，昨日更暗示或拋售公司持有的比特幣，雖然及後有所澄清，但幣價已斬了一截，65000跌到42000，創二月底以來的新低，一眾區塊鏈概念股受壓部分風險資產在過去幾個月都先後見頂回落。
若果手上仍然有太多科網股的話，不妨把握反彈機減持，或許換入環球疫情的必需股和醫療股，最早入醫保既＃1801尋日都發力，油股燃氣股看來也不錯。
士佳說 - 張士佳 舊文
來源 source: http://skycheung.weebly.com
