士佳說 - 張士佳 2021年11月29日
【#士佳說 】張士佳：耐心等候機會
【#士佳說 】張士佳：耐心等候機會
大市接二連三壞消息，對科網巨頭繼續監管，中概股在國家數據安全問題上，在美股亦顯得非常積弱，週五中國監管機構已要求滴滴出行在美國退市，唔知點收科。
疫情又出現突發南非最新變異毒株，嚇窒環球股市。加上週五晚美團#3690第三季業績喜憂參半，未知市場解讀如何，美股又跌到飛起，好多市場人士唔知點算，等我哋齊齊來拆下局。
1）上週最為市場關注及熱烈討論的最新監管政策為支付寶、微信支付個人收款碼將於明年3月1日起被禁止商用；即時影響騰訊#700、阿里巴巴#9988及最多農村個戶使用的快手#1024股價急速下跌，市場唔理咁多先行沽貨就不難理解，不過，其後上海證券報發文指，有關「微信支付、支付寶個人收款碼將禁止商用」的說法屬於誤讀，唔知點解讀，好在圖表近來冇對呢兩隻股有正面睇法，暫時都係食花生先。
不過，實際上都會影響微信和支付寶的一些生意，同時市場就聯想到新規有利於後面數字人民幣的推廣，所以藉機炒起做barcode，數字移動支付概念的移卡#9923，大升10%，留意移卡下月起會納入MSCI中國小型指數，可能有機會炒一炒，不過變數太多，炒下算。
2）至於突發南非最新變異毒株有異常多的突變，專家話傳播力更強，香港又不幸中咗兩宗確診，其實變種病毒我們都經歷過好多轉，唯有相信市場對新疫苗的研發能力，預防藥物及器械治療，所以資金流向CXO醫藥。
騰盛博藥-B#2137，逆市升4%，其新冠藥物有望12月底前獲批上市，在治療28天后實現零死亡，雖然已是前幾日新聞，但帶給市場研發希望，因與歐美緊急使用的抗體藥相比，該藥是唯一進行了變異株感染者治療效果評估並獲得數據支持。還有開拓藥業-B#9939，藥明康德#2359、金斯瑞生物#1548，這藥股能在逆市中做好，反映市場資金有一定期望，我暫時就剩係得最後者。
另外亦有市場炒作比較細隻的永勝醫療#1612，大升29%，主要業務以拓展歐美醫療品牌製造呼吸類相關醫療產品為主。除此以外，我都有關注涉有同類業務嘅#76。
3）美團#3690業績唔好，就一早講咗，做都做到佢唔好，其盈利沒有改善，虧損差不多100億，是過往虧損最高的一個季度。皆因反壟斷罰款34億元，講真，美團到店、酒旅業務是最賺錢的，但新業務經營社區團購等虧損就非常驚人成109億。夜晚美團ADR就跌咗15蚊去到250蚊，今日也難免低開。不過，北水於週五淨買入最多的個股是美團，這樣一來要睇市場對其新業務的信心程度及美團對財務狀況如何作出收支平衡，所以機會有可能係跌出嚟。
不過，在壞消息充斥底下，中國人民銀行研究局局長王信強話：
1）下一階段，將根據國內外形勢變化，密切關注歐美貨幣政策可能收緊的影響，繼續實行穩健的貨幣政策，保持流動性合理充裕，用好結構性貨幣政策，更有效地保就業、保民生。
2）不斷完善綠色金融體系，更好地動員社會資金投資於綠色產業和傳統高碳行業的低碳轉型。大力發展綠色市政債等綠色金融產品，
3）在防範風險的前提下，支持養老基金進行資本市場投資。
首先保持流動性合理充裕是否降息降準預期呢？會利好銀行保險甚至內房? 養老基金又投入資本市場，即配合放水預期？今個星期都要留意市場對金融業的反應，到底有沒有支持股市作用。事實上，A股股市雖然同樣向下，但跌幅較輕微只是20點。
另外，大力發展綠色市政債等綠色金融產品，即對新能源股重新眷顧？週五日中已經留意到新能源股的龍頭中廣核新能源#1811悄悄地在做陽燭，到收市升幅仍不錯有1.8%，可重新留意？
還有一個IGBT芯片板塊在逆市下表現仍然硬淨，賽晶科技#580升幅最顯著，6%，華虹半導體#1347、時代電氣#3898、上海復旦#1385等其實表現相對大市仍然強勢，正如剛Sun Channel所講中國政府勢必加強支持晶片概念股及電動車企業，兩者都為最重要的國產替代產品。在跌市中若找到支持或許是上車機會。
筆者相信在此時此刻，唔好睇小，聯儲局對付通脹嘅決心，所以美股泡沫咁大，跌下佢哋覺得都無妨，反而港股就跌咗好耐，要沽，我都等反彈先至沽，但持股整體持倉就一直都保持算細，最重要係保持戰意，加強觀察及分析，多做功課，冇訊號唔好入市，唔好偷步，炒股不炒市，捕捉短線機會唔容易，反而在大市下跌時，尋找中線值博率的低成本股票並唔難，但一定要有耐性。
士佳說 - 張士佳 舊文
本文作轉載及備份之用 來源 source: http://skycheung.weebly.com
