士佳說 - 張士佳 2021年12月30日
【#士佳說 】張士佳：炒細唔炒大
【#士佳說 】張士佳：炒細唔炒大
仲有日半2021年就走，今年股市經濟仍被疫情困擾，聖誕假後全球確診數字創新高，加上中央監管及中美磨擦事件仍衝擊不斷，港股並不容易行。
但港股的個股板塊相對易睇，只要跟著阿爺政策走，買綠色電力，新能源相關，環保，太陽能光伏，建築基建等都食到升浪，不過，市場消息不停在變，都係輪住炒，只能按最新形勢同圖表來判斷，作出不同的策略。
近幾日之前升得多的板塊都要回，所以假前有糊叫食 ，市場繼續holiday mood，北水又暫停，成交好少, 尋日更不足650億，好難推動大股上升，反而見到市場遊資跟隨消息炒緊一d中細價股，若果捕捉到，跟圖表訊號出入，炒一轉都幾好的，尋日見到以下尼d；
和諧汽車#3836
近日汽車股雖然回調，但國內支持汽車工業作為內地支柱產業，電動車有龐大市場增長潛力，有助消費，據說國內多家汽車4S店都不乏消費者去挑選新車試車過年，汽車經銷商的生意絡繹不絕，對汽車4S股造成刺激，而尋日就跑出了和諧汽車#3836強勢破頂，其下主要品牌寶馬和Lexus都在強勁銷售，汽車4S店在實體經濟仍是很吸金的，不過，我只當佢係靈感，繼續持有未發力嘅#1268 就算。
恆騰網絡#136
係尋日弱市中的綠洲，又來強勢大升33%。原因是恆騰網絡三位董事首次進場買入股份持股，市場加大信心從而拉動股價上升，今日再跟進股價消息有沒有 follow，如果冇就等突破阻力先至買。
中國水務#855
創逾三年高位，擬將供水和直飲水業務分拆並獨立上市。中國水務在中國運營有59個直飲水項目，銷量12億公噸，是中國不可缺少的業務。其實市弱就轉向炒尼d國內半公用股，睇你察吾察覺到，同有冇做功課喇！呢隻股抓住好耐，基金經理一吹雞，突然有異動，我持有基本注碼，消化完呢浸再升先加。
金貓銀貓#1815
從事黃金珠寶、白銀珠寶等銷售業務，主要藉助於第三方在線及自有銷售管道，今年上半年，公司營業收入達2億元，實現正利潤2千萬元。市場應該系炒佢的發展潛力，不過我都係睇圖睇信號去炒啫。
天倫燃氣#1600
據資料，其宣佈與國家電投河南電力公司合作綠色低碳工業。又與中節能建築節能公司合作，發展以清潔能源為主的新型供能系統及綜合能源服務，優勢互補。而且天倫燃氣11月份零售天然氣銷量同比增長超30%，高於同行。市場而家炒細吾吵大，我嘅2688就企左響度，唯有陪市場癲多陣。
信利國際#732
先前教學生已經有講電屛不死，其宣佈摺疊屏手機面世而gap up，市場預計摺疊屏手機將成爲未來潮流，信利也有做車載顯示屏，也爲全球車廠的主流供應商，前景不錯，有啲當年舜宇光學嘅味道。
富智康#2038
其獲得Google訂單，成爲Google移動設備的主要合作夥伴，加上來自小米#1810的訂單穩健，富智康2022年的盈利將穩健。在汽車智能方面，與Stellantis建立了駕駛艙軟件的合作夥伴關係，應該爲2023年及以後提供新的經營收入。富智康相信系另一隻市場在炒的工業復甦股，值得留意。
臨近年尾，大市氣氛同大股都淡靜，市場炒住尼d細既先，又有概念，捉到其實亦不錯，等大市回暖再炒大股。
士佳說 - 張士佳 舊文
本文作轉載及備份之用 來源 source: http://skycheung.weebly.com
