笑到最後｜學習Deep States應付震倉（高明）
笑到最後｜學習Deep States應付震倉（高明）
低位折上折賣出嚟嘅股票，可以肯定，既得利益都有份一齊沽。
上星期所有美股股民都應該感到憤怒，憤怒嘅唔係因為美股一再下跌，而係人為地吹跌個市，接二連三用疫情、減買債、加息等政府公權
力，每次喺大市出現反彈之際，人為咁撲熄升幅，發言嘅時間，亦都刻意喺個市一彈就唱淡，有公權力嘅人唱淡，同一般投資者唱淡，分遠差得遠，亦都令市場變得陰陽怪氣。
美股、外匯、加密貨幣免費即時報價，自選投資組合獲取相關新聞提示。
跌，大家都慣咗，但明顯見到本來嘅反彈力道夠強，官方發言刻意阻礙升幅，除咗聯儲局主席鮑威爾之外，南非發現Omicorn嘅醫學專家一早講輕症，世衛反而玄之又玄咁講要調查，其他國家立即合唱就不排除再收緊入境等安排，連帶傳統股都被炸一波，息口加封城，傳統科技股一齊插。情況有如睇波捧嗰隊，贏輸都慣，但擺明打假波，都係覺得唔爽。
當然，正如足球要接受呢樣嘢係球賽一部份，股市就更加係，美國本身就係財閥政治，政商界關係本來一致，憤怒過後，惟有接受自己睇錯嘅現實，天真地低估既得利益（Deep States）對股市嘅直接影響。
大家可能唔會話，股價下跌，即係減價時段，你倒轉買咪得囉。
霸權股跌幅輕微
經此一役，霸權股跌幅輕微，再話畀大家知，實際上邊個話緊事。即使叱吒股壇十大最喜愛股票入面嘅中概股、契媽股、Meme股全線股災，FAANNGMT都仲係高位。我夠想1700美元買Alphabet（GOOGL）、200美元買Nvidia（NVDA），呢兩個昔日高位，今次「股災」見都冇見過。可見既得利益集團，只會喺股災時賣啲佢覺得係垃圾嘅嘢畀你，一啲大家眼見係寶嘅嘢，唔會有真正意義上嘅激安時段。至於咩係寶？望嚇自己生活無法脫離嘅產品圈例如iPhone或Andriod已經略知一二。
低位折上折賣出嚟嘅股票，可以肯定，既得利益都有份一齊沽，點解明知低位都沽？一來成本唔同，可能係IPO甚至N輪融資嘅貨尾；二來，即使係二手市場買，都有賣弱轉強嘅需要。
記住，強弱並唔係睇個價，年頭好多人話Strong Hold信念持貨，結果震一震走曬，原因係信念來自個價格，升就強，一跌就驚。學習既得利益，除咗睇價值，仲要睇權力，好炒但冇權嘅公司，逆市掉；成為權力一部份嘅公司，又唔係跌得多，冇理由個價震一震就走呀？
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com
