業主不會與B類食肆的租客共渡時艱
有老友話應該早聽我講，強迫餐廳員工打新冠肺炎疫苗，咁就會搵多好多錢。當日老友叫餐廳同事去打疫苗，得到結果有一半人寧願被炒都唔肯去，老友唯有頂住，最後都是冇辦法，唯有炒了幾個夥計。很奇怪，其他本來話唔去打疫苗的夥計都立刻去打疫苗，餐廳可以由B轉C，生
意立刻做多咗，業主見餐廳由B轉C，主動減租半年，大家共渡時艱。
老友唔明白點解業主會減租，其實理由很簡單，業主並不是不與租客共渡時艱，但租客亦要履行本身責任，如果唔B轉C，變相做少很多生意，代表租客未盡全力，冇理由要業主分擔。所以，政府強硬要餐廳員工打疫苗，其實是幫了餐廳老闆、員工甚至業主，大家如果每一件事都用政治眼光去審查，蝕底的都是自己，那些本來寧願唔做都唔打疫苗的員工，最後都會打疫苗，因為唔打疫苗，真係冇人請。
作者為紀惠集團行政總裁
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk
