笑到最後｜美股「波鞋街化」的啟示（高明）
笑到最後｜美股「波鞋街化」的啟示（高明）
微軟早前破遊戲界紀錄，以750億美元收購動視暴雪，轟動全城。
2022年對於一般股民嚟講，只係開心咗頭一個交易日就開始面對現實。撇開困難嘅情況唔講，企業對於股價持續下跌，並冇持相同嘅悲觀情緒，反而更加進取
，兩個月未夠已經見到幾單對將來具有影響力嘅收購。
美股、外匯、加密貨幣免費即時報價，自選投資組合獲取相關新聞提示。
最新消息係，Nvidia（NVDA）同日本軟銀宣佈停/RM併購嘅程序，軟銀改口話將ARM上市。終結咗一段時間內，架構同晶片設計垂直合併嘅爭議，有用過Mac機嘅人都知，ARM架構由當初據稱用喺手機先適合，慢慢已經去到Macbook同數據晶片都用，高通（QCOM）甚至開發ARM系嘅notebook晶片，挑戰緊「自古以來」嘅X86。但係爭議係在於大家都用ARM，但俾競爭對手Nvidia買咗，咁佢咪瞓喺度收錢？
收購終結，對於晶片廠嚟講就係維持現狀，亦都反映晶片業嘅蓬勃，啲架生賣又得、留返嚟用又得、推上市又得，可以反映晶片股未來幾年會繼續係主要當炒股。
較早前嘅大新聞就係微軟（MSFT）破遊戲界紀錄以750億美元收購動視暴雪（ATVI），而Sony亦立即跟機買Bungie，代價36億美元，感覺似買水泡，此乃後話。
霸權平台搶買遊戲商
講咗好耐嘅先進製程晶片，電腦有幾快幾先進，其實由有電腦開始，最大應用嘅地方，依然係遊戲，只要你開個app store一睇，遊戲機零零舍舍係獨立成一項就知新機功能主要係用嚟打機。收發電郵訊息上網等用途嘅話，iPhone 6可能已經好夠用（高明仲用緊），係部機熱少少啫。
同以往唔同，就係遊戲史上未試過幾大龍頭主導得咁緊要，微軟、騰訊（700）、Sony（SONY）、任天堂（NTDOY）幾大平台，再加一路想做平台嘅蘋果（AAPL）同埋疑似想做嘅Netflix（NFLX），另外仲整多間元宇宙Meta（FB），個個都想做平台，邊有咁多內容，結果群雄並起買內容，可以預期，現時係各大平台收購嘅過程，兼併過後，平台同內容結合整個生態將會更加壟斷，以炒股嚟計，揀中股票嘅命中率提高，因為來來去去幾大平台，但係現實上，平台對消費者嘅議價能力提升。
未來嘅世界好似以前波鞋街咁，成街都係波鞋舖，背後老闆可能得兩三個，但係呢個波鞋街現象係全球性，未來霸權股嘅興旺，將會嚟自大家現實世界冇得揀。
所以買霸權股，俾佢剝削完你又有份剝削人；唔買霸權股，就由頭到尾俾佢剝削。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com
