士佳說 - 張士佳 2022年3月10日
【#士佳說 】張士佳：戰況
【#士佳說 】張士佳：戰況
冇寫兩日，update番D戰況，上日用恐慌為題，講唔會企在21000附近既水平，結果星期二當日抽上21245後就隊，資源率先跌預示戰事緩和，但大市無留手，我唯有減多些股，準備子彈博極恐慌，大市一直跌至20566，周圍鬧個市，大市由21245跌到20845，用了三小時跌400點，但由20845只用了半小時左右便跌了近300點，於是我同学生講果一刻夠絕望夠恐慌了，果一刻港股我買call +sellput+揸期子，美股買Es，可以用嘅都用曬，結果不負眾望，恐慌後急速反彈，不過港股都係弱，連埋夜期先至彈得500點，我港股好快就食，食唔盡，美股強好多，ES呢轉每手食61點。當個市星期二彈得咁緊要，好多人都覺得底已見，我唔識睇，星期三早上開市用少量實盤試港股美股的虛實，半小時左右炒了十八轉，發覺美期無動靜，港期就被隊bid盤，美期升少少，港期ask盤例touch不到，要改低沽，所以，就同佢地講美強港弱，想揸就揸美，想沽就沽港，結果中午前水落石出，上日我話美一定攪蘇盟友，昨有預警新聞出場了，港股倒水，跌八百幾點，我又再等恐慌，結果到一點幾，兩分鐘跌160點，然後連續三枝陽燭，我覺得隊到差唔多，結果由當特20249點，一直升到夜期20926，有乜點停過。咁係咪又彈彈見頂呢，我睇今轉會彈高D，21200左右開始有阻力，上面5個下跌裂口人都癲。
今日裂口高開不成疑問，如維持到陽燭收市，是第一個好兆頭，做開淡倉，要食，起碼等下枝陰燭先再沽過。我自己D個股走極都仲有，跌到傷，靠炒期指上落幫補，剩低這些，無點諗郁住，反而耐心等大市升多幾棍先補回先前走位那些。如果持貨太少，而今日又做到裂口陽燭，不妨先加些博一博，㡳不到也近矣。
買股買什麼呢？主要係要避，避開外資持有得多嘅股，李寧已係一例，第一烏俄戰事D野話唔埋，老美制裁見效，唔會手軟，就算戰事稍緩，隨時都會搬返呢招出嚟制中，咁你知我知唔使單眼佬都知，外資一定會趁戰事稍緩走頭，買呢D會被殃及池魚。睇睇美股及国策，有何啟示？國際能源價格繼續飆升，能源替代板塊逆市上升。資料顯示，國策支持，推進大型風電光伏基地建設，推動第一批1億千瓦規模基地項目儘快建成投產，故風力、水力、光伏及蓄能等能源企業要重新關注，華電#902、中國電力#2380、龍源電力#916等綠色電力走勢幾日跑贏大市，今日玻璃光伏可望多兩眼。
士佳說 - 張士佳 舊文
本文作轉載及備份之用 來源 source: http://skycheung.weebly.com
