【#士佳說 】張士佳：當你無心戀戰
【#士佳說 】張士佳：當你無心戀戰
“It was the best of times, it was the worst of times, it was the age of wisdom, it was the age of foo
lishness, ...... Charles Dickens 雙城記的開頭名言，我覺得正正係現在港股的寫照，最差的時候，相信唔駛我多解釋，但何解我會話係最好的年代，其實呢個取決於你投機還是投資，投機講勢，而家短炒個股邊有升勢，真係好差；但講到投資，現在仲叫做貴？唔講其他，講美團，得番1000億美金市值，係中國獨大的外賣餐飲旅遊，我唔相信嚟緊幾年可以培養到第二間出嚟，而家日均四千萬訂單，王興講過會到日均一億訂單，我估計到時起碼值2000億美金甚至3000億，要等時間去反映，通常呢啲情況最怕就係資金鏈斷裂，同大東私有化，我覺得呢兩樣都唔會發生係美團身上；今日$130，跌到去65哩？咪跌50%囉，呢生人或者有機會再見到，又或者冇，但$300/400，見到嘅机會係肯定（咁你當然都要注重健康），咁等二三十年都死架噃，王興預估2025見一億訂單，我比夠你2028，咁相對銀行雞碎咁多利息，輸就輸一半，贏就六年贏一兩倍，後者機會又大過前者，好股遇著爛市，唔係價值投資的best of time咩？
但如果個市一直咁爛落去，乜好股都死 ，點算？我唔識預估，但我睇番歷史，香港嘅熊市，一般last 一年至三年，恐怖如1973年，股市跌九成，好多人因此自殺，兩年就恢復過來，創新高，2018年期指33516至今，已經四年，創熊市最長紀錄，我暫唔知今次仲要插幾耐才見底，但要跌多一年兩年？唔係掛，當然我哋聽過好多今時唔同往日，今日香港點點點，人才資金外流等等等，我都覺得香港各方面都好唔理想，但係過去每一次股災當時嘅人唔係又係噉諗，現在真的比1998外資狙擊港股時差？當日，咪又係諗同外資鬥，邊有得鬥？
我唔敢叫您呢一刻衝入去買美團，今日仲會跌咁多開市，加上我現亦一股美團都冇，但我先前有，市況既然唔就咪減注等機會囉，穿底彈一彈再穿底$178走，一直等機會買番，我等上升裂口再升幾日穿阻力買，呢兩個禮拜佢一把刀咁落，我咪睇住先，等緊囉，又唔係叫你即刻買，係叫你昅實一些對象，我成日叫做功課，其中咪有D功課係揾未來續有上升空間嘅優質股，我先前都有講怕外資唔捧中資塲，但美團又唔係AT咁多外資，相對上冇咁怕，到個市冇咁爛，美團又優於大市，優於ATXJ，咪落手囉。
我今日唔係推美團，只係揾來作投資功課的舉例啫。
好，又講下投機，同投資唔同，無咁多core belief，無形勝有形。想揾D揸兩三個星期的短綫對象，暫時都揾唔到，唯有炒期指，近日chok到暈，投機者杯弓蛇影，市一跌就諗出事，打仗制裁升級，市一升就諗是否俄烏有得傾，有新進展，十個有九個都係咁，即係極端時价格有錯价，臨尾一段例必加速，而上面講過某些股已超值，要升就升果D先，在極端時，見期指急跌，等到好幾隻超值股都帶量反彈，我就會下手，上週出現了幾次情況都能捉到，有波幅比冇波幅易做，所以賺得很好。可惜，最近一次週五就可能失手了，大市由20064彈到20255，我才出手，亦有知會学生，等半小時已有三百點利潤，我選擇食一半，想博大些，誰知到夜期又再下跌，理應跌到20155左右平埋另一半，仍有利潤，但相信有同学做牛證，剩低呢一半冇夜市走唔甩，我唔想自己走先，冇走，現遇上深圳又封城，中概股又大跌，可能就要受了。冇事，好彩今次已獲利一半，嘔突都係有限數，開市后跌定再插就走先。
跟據其他地方經驗，omicron疫情爆發唔易攪，希望內地再一次能人所不能，否則加上外資玩針對，一股短暫急速的下跌漩渦可能出現，從而亦可能係極度恐慌帶出Grandpa放水新升浪的開始，It will be the worst of times , it will be the best of times.
士佳說 - 張士佳 舊文
本文作轉載及備份之用 來源 source: http://skycheung.weebly.com
