魚樂無窮│港上市科技股唔識睇，要玩玩美股（唐牛）
魚樂無窮│港上市科技股唔識睇，要玩玩美股（唐牛）
本欄維持原判，香港上市科技股唔識睇，盡量不沾手，相反，美股科技股走勢相對較合理。
昨日吸睛度最高的股份，非美團（3690）莫屬，業績繼續狂蝕，但一句勝市場預期，足以令股價挾高逾一成，淡友
硬生生被挾死，同騰訊（700）之前的套路完全相反，只能夠說，跌住同升住出業績，雖然只差一線，但效果可以差天共地。
美股、外匯、加密貨幣免費即時報價，自選投資組合獲取相關新聞提示。
本欄維持原判，香港上市科技股唔識睇，盡量不沾手，相反，美股科技股走勢相對較合理，加上沒有太多彈出彈入的消息，坐貨坐得舒服，由於認識不太深，所以只揀龍頭，有睇直播節目嘅，不難知道我有甚麼心水。
融創終停牌 一鋪清袋
之前國務院表態支持內房，由於累積跌幅很大，不少已見破產價，故消息一出，反彈力度驚人，以融創（1918）為例，單日曾炒高六成，幅度同輪證冇分別。但出得嚟行預咗要還，昨日收市後融創出通告，指由於「（1）尚未完成的部分財務報表編製工作的預期工作量及所需時間，（2）近期因國際評級機構下調本公司評級引起有關境外貸款的問題，本公司正積極與相關債權人溝通解決方案，及（3）融創房地產境內公開債展期事項等對財務報表影響的不確定性」，故未能趕及在今年3月底前出業績，並事先張揚4月起會停牌。
今日股價冇可避免洗倉，相信亦會連累其他同業，記住呢啲股價向右下角發展的股票，炒反彈見好要收，仲要隨時會出壞消息（好似今次咁），其實最好係唔好沾手，本欄重申，內房股真係要買，只諗中國海外（688）及華潤置地（1109）。
唐牛
fb︰https://www.fb.com/tongcow88
IG︰https://instagram.com/tongcow_88
YouTube︰https://www.youtube.com/channel/UCLwEpfQ6w1d-MUVlAS86QcQ
本欄逢周二刊出
魚樂無窮 - 唐牛 舊文
本文作轉載及備份之用 來源 source: http://hk.finance.yahoo.com
