士佳說 - 張士佳 2022年4月7日
【#士佳說 】張士佳：跌市尋寶
【#士佳說 】張士佳：跌市尋寶
上個月在sun channel教左大家第二次突破的位置與及其中用作平衡風險的重要性，如現在做好，係唔知點放止蝕，所以我睇好都情願放重心在下次突破，回過一隻腳，起碼知道止蝕位要放多遠，知道止蝕位置，就識計落幾多籌碼，所以現在都係打個股遊撃居多，現階段聚焦優於大市嘅個般較適合散戶朋友們操作，昨日跌幾百點，買乜都死啦，好似我尋日聚焦嘅越秀地產，同學生玩猜謎，結果佢唔理大市跌，一枝獨秀，升到$9，我叫同學自己執生，有跟嘅就完美演譯“逆市hit and run”，好味道！
唉！本來上面呢個只係甜頭，昨日理應大滿貫，隨著上海疫情爆發，我猜疫苗股會有一大爆，點知就誤中副車，冇買到開拓藥業#9939，一日曾升倍幾，鬼咩？話連食7天可以達到100%保護，難怪升得咁誇張地；不過唔緊要，好多疫苗股系統早前出左信號，尤其是可以治新冠病毒的藥股，只要出成果，第二日市場就捧起，可靠圖表功課找出，口服藥都應該陸續有嚟。
尋日大市由頭跌到尾跌了四百幾點，但我先前同大家講避外資股，皆因外圍跌，率先影響的是外資撳錢走，咁如你買嘅股，佢地都無，跌都跌少D啦，好似我一路力講的內地房，呢D股外資參與少，外資要沽貨走人，都冇呢D在手，唔關佢事，我寫＃688，都唔知寫左幾多次，大家唔信唔信，佢尋日就喺炮火聲中創兩年新高，我連Sun channel特別講既綠城＃3900仲誇，尋日創歷史新高，唔知，你仲以為大市已經四萬點。內地嚴控內房尾段，無人敢買，我叫大家留意，現在創曬新高搶了眼球，我就叫大家要留意食糊走位，唔食曬點都要食啲。穩陣派太貴，市場會轉向平估值的去追幅度，我趁大市回會追一追落後。緊貼地產發亮而又相對穩陣，不太受指數影響表現的，錢反而會染指基建水泥方向，基建三寶尋日同時重現靚仔陽燭能量綠bar，若降準降息也會受益。
此外，一些本地零售餐飲消費又炒消費券或疫情後復甦，尋日升得幾全面，例如化妝品，鐘錶，本地餐飲，服裝股等，之前跌到低殘的圖表正在復甦，但前景未肯定，較鍾意尼類股多，揀隻行得快就可不斷炒，思捷#330發盈喜前已有關注有炒，高位走完，尋日大陽燭破前阻力，高處未算高，似未來低揸高平之選。
大市較難炒，升穿22399，我睇上，但要等到出支持才知點放止蝕，好似尋日咁講都係買多D冧把，但板塊就要集中，暫時似升來升去都係果D板塊的格局，要大市升，先前講左，要空軍放過騰訊阿里巴巴的跌勢，要佢地出訊號，市先會真升，現階段一係超細注逆市跟進大市，因未知點放止蝕，一係就繼續追住D股打游撃，至於打邊D，板塊之前講左，實際係邊啲股，我要留返啲謎語係學生谷內估，唔係佢哋實話我偏心，大家趁市跌自己睇住啲板塊做功課慢慢撈喇。
士佳說 - 張士佳 舊文
本文作轉載及備份之用 來源 source: http://skycheung.weebly.com
