士佳說 - 張士佳 2022年5月30日
【#士佳說 】張士佳：油煤以外.....
【#士佳說 】張士佳：油煤以外.....
踏入6月，又已是半年結，上星期五做Sun channel 節目，正好為港股美股做個review小結，並講到對未來幾個月大市的睇法同做法，亦有我對煤、石油、電動車、燃氣的睇法，有興趣可到sun channel重溫，此處不重複了！節目時間所限，有些冇時間講到的，在此稍作補充。
先講星期五個市升咁多又企住高收係咩情況，中央用各種維穩政策穩住經濟和民生，我在先前205xx 位置，本來已期待藉蛋糕論彈上，睇上21300 或以上，但回一回到198xx ，我唔夠肯定，無大膽加倉，反正以股為主，能穩住就已算不錯，所以都係做一啲換馬/pair trade 動作，到星期五大升都冇乜特別感覺，因為升嘅股都好集中，如果今日陽燭突破20812，我會睇番上215xx 或再高些，畢竟在19000至21500已經反覆徘徊左一個月，係時候有些突破，咁嘅氣勢都陰燭？又係走唔出徘徊。
美國國務卿布林肯講話竟然釋出善意，話吾同中國冷戰，又吾阻礙中國發揮大國及發展經濟，希望維護和平共存合作云云，又話通脹見頂又話九月唔使加息，言論咁鴿咁積極，都係九龍城米舖居多(編按:「信義誠」），為選舉啫，不過，中概股聞風立馬彈升，當然仲有阿里巴巴#9988及百度#9888 的業績好過預期，雙管齊下挾下淡。
阿里#9988收入同比增長 19%，經營利潤同比下降22%，好過市場預期。主要是阿里雲同比增長12%有錢賺，而且業務拓展到了海外，是唯一能參與全球競爭的雲服務商。阿里咁大隻，上面蟹貨咁多，又未輪到阿爺關照佢，用來挾淡倉就可，要轉勢唔係話咁易。
如果大市突破，我會加些期指，期指已有大股在內，唔需要特別照顧大股（石油就當然例外優待）
OPEC拒絕大幅增產， 國際油價顯著上升，一路做節目，A股的中國海油600938.SH不斷破頂創出新高，意味着後市極度看好。美股OXY不經不覺已到七字頭，港股的中國海洋石油#883已買、中國石油#857如陽突破4.21也可，但已有前兩者何必做到咁散。油價咁升法，自然會影響一下大量耗油的航運股，#316東方海外破頂第一支陰燭，今日如果再見陰跌破前日低位，最好食糊，升上嚟好短時間已經有兩成多，又收咗高息，又入左藍籌豪門，市場要時間消化；而勝獅貨櫃#716同時再破一年頂，代表集裝箱市場仍保持積極，但此股習慣突破後回頭，等回一回低位做像樣陽再博。
布林肯話放過中國和平共處，都係聽住先。咦！咁之前被制裁的CXO藥股磨心會唔會有機會重生，但係睇見幅圖就唔當開胃，小反彈可能有，買又未有訊號。反而海吉亞#6078 做底部整固已差不多，此股我坐了很久，市場在等進一步批藥消息明朗，星期五已有突破，可惜唔係陽燭，等陽破可加注短的。
還有隻5月新上市的#2325雲康集團，幾日升近30%破頂向上，冇乜蟹貨，炒短無妨。雲康集團爲醫療機構提供全套的專業診斷檢測服務，多達2,000項，主要包括感染病COVID-19診斷...等等，即現在國內疫情不可或缺的最大需求。
檢測不斷，疫情的確有好轉，市場憧憬即將放寬旅遊限制。政策都給力，針對民航業復甦及油價高企的問題，提出對國內運輸實施階段性財政補貼，国航753靚但痴250天綫，不如諗諗國泰航空#293，佢一路高位整固等消息，星期五有支不錯陽燭；有政策助力，及即將來到的暑假憧憬出行，旅遊業的同程旅行#780，#1910新秀麗都可以瞄下，聽講同程旅行推出端午出行提前訂酒店最高享6折.....最期待想去的日本已經放寬，可惜雖然打齊針回港仍要隔離，只能參與下隻東瀛遊#6882，市場似炒定開關先，不過炒味太濃，我無買。
講到出口電商大隻的太多蟹不如留意的樂享集團#6988，睇資料，樂享主要做海外電商業務，圍繞海外知名短視頻新媒體平臺的內容流量云云，國家反壟斷，倡共富，咁大市值嘅就影響會唔會反而細市值嘅會受惠呢？取易不取難，係現在炒賣所必須。
今個星期是關鍵，尤其是期指結算，#3690美團業績，加上美股有可能超跌反彈總有，但係納指仍然係核心風暴。美團業績後應有波動，績前買齊近价牛熊，博爆一邊，可能有so，此策略在#9988就湊效了，且看#3690如何。
士佳說 - 張士佳 舊文
本文作轉載及備份之用 來源 source: http://skycheung.weebly.com
