士佳說 - 張士佳 2022年6月7日
【#士佳說 】張士佳：好多冧把，好鬼忙
【#士佳說 】張士佳：好多冧把，好鬼忙
尋日教精精進班第一堂，呢D時勢，經濟唔好，大家都咁捧場，一心諗住整理下D數據，備多些課，誰知個市鬼咁好炒，忙到嘔。
先前買落的美團牛爆升，肥美食餬，有日問我咁快食，衍生來的，唔會過人世，唔好唔記得我有個倉成個倉得美團，當日寫the best of time提大家價值投資合埋眼買美團，到現在只係走過1/3正股，其他諗住有排坐上去，成篇文章寫一隻，事實上美團真的跑嬴晒騰訊更里巴巴，長遠唔升兩三倍都唔理啦，但中間唔會真係今一片坦途，上上落落係必然，為左減低自己心理負擔，所以升五成嘅時候食三分一；咁牛證呢D如果都係坐，噉一回時心理壓力咪重大，牛證只係跟勢炒業績，賺好蝕好都會快走，有正股在手樂見再升，但邊有咁好？長線都係上上落落。
今日一班新讀入門班的學員開始做市前投票，請記得投完票先好睇本欄，否則會被本欄影響投票的獨立性。粉絲都知我先前睇個市都係21650一22000，上次212XX食咁些，尋日到21650又食些，但都係食1/4咁，尋日升得咁急，今日開未必會見22000，就算有得高開都要回下，突破完企到21500樓上又未必會咁快彈完既，今轉會睇再彈高多啲到22000以上，再儲下力先啦。下個食位我會放在21959，不過到時要睇大市係爆升挾倉還是健康上升，再作定奪。
尋日咁升，最主要下午一段科技平臺急升有關，除美團外，爸爸出力唔少，我有美團但無9988，唔係唔信佢會升，係因為佢就去到每次彈升的樽頸（未到，快到），過往每次到樽頸都跌到淋冧淋，我係買都等佢突破瓶頸先，到時自然另一翻光景，我有京東美團（#9618京東牛仔未食，等京東在618購物節促營銷額，應該仲有得憧憬），昨日買了丁點2390知乎，唔怕走漏爸爸，更唔怕科技平臺返嚟。
收市後先出來有多啲消息話中央將結束對網約車龍頭滴滴的調查，並開放滴滴新用戶，似乎2年來的監管風暴快將散去，進一步刺激科技股尾市抽升。關乎於中概滴滴，立馬去關注美股盤前的DIDI.US，當時2蚊左右，理應買啲博美股時段彈高開，結果，落大雨又趕住上堂，無執行，佢誇張地gap up開70%，衹能為買咗個朋友喝彩了。其他中概跟勢彈，我冇跟買。反而回港二次上市的貝殼-W #2423，近幾日不斷裂口上，3日升10蚊，公司有公告最多10億美元ADS回購計劃，破晒頂，等找到阻力回一回，再突破先考慮跟進了。
食咗美團牛，指數一直吾落仲似要突破之際，睇#700騰訊一直壓著未升，冇理由咁落後，估算#700有機會接力，所以今日會睇騰訊遠牛仔有冇机會。其他科技股我仲留意著網易#9999網易，之前有講觀察到佢幅圖跟#1211比亞迪七分似，#1211已經升到半年高，首5個月銷量按年增1.62倍，再升6%，連續八日陽燭強勢，我對佢有bias，無conviction一直無買，無憾，無呢隻有其他，好似我先前寫的海外電商樂享#6988再破頂，未有放，公司配售，主席另外認購，有戲睇了。
汽車股要擇機入市，升到咁高開追買冇乜著數，等回先吸，長汽#2333有啲貨等下。後起的理想汽車#2015 又有新型 SUV“理想L9”即將發佈造勢中，可以吼下。受益電動車換車換電政策刺激，對鋰電原料能源，儲能等高需求，留意上游產業鏈的寧德時代300750.SZ，贛鋒鋰業A股 2460.SZ ，同H股的贛鋒鋰業 #1772都出現了靚仔大陽燭，值得跟進，我冇在手。新能源車電池相關繼續受捧，尋日提到的電池大王力勁#558就買左，昨再度反彈，做功課發現，做儲能業務如起動啓停電池、儲能電池、鋰離子電池和回收業務的天能動力#819圖表訊號更齊更靚，也值得期待。
今天推動力大市力量還來自於美國公佈的兩年內不會對進口自越南、柬埔寨、泰國和馬來西亞太陽能電池板產品等徵收任何新的關稅。加上近期光伏行業政策需求又成為熱話。信息豐富，刺激又炒下，但要等回一回再突破就先有機會形成趨勢，可關注上游的#1799新特能源，跑得較快，但我冇貨。只有下游的協鑫新能源#451，之前睇圖表信號諗住搏下大霧，都升得不錯，等0.2附近先食。
受關稅催化有航運#316東方海外，我冇，但有#1138中遠海能再破頂，可惜長上影，繼續坐下先，而集裝箱醒獅貨櫃#716，同時破頂，甚有瞄頭，向上仲有空間值得再等下。留意拜登宣布減中美關稅，對兩輪車龍頭雅迪控股#1585以出口為主亦甚為有利，又跟電動車炒可以望多兩眼。
又唔係全部升，像內房中海外#688逆市跌3%跑，水泥基建股沽壓加大，再殺跌。我冇水泥股好耐，基建股就無理到，有其他股在升，基建波幅較細，坐住先。
電子芯片方面，上海復旦#1385升7%創年內新高，俄羅斯輸入氖氣短缺，配合芯片自主復工復產再催升，已有2成利潤。在底部華為鴻蒙系統#354中國軟件國際都蠢蠢欲動。另外，留意Apple 蘋果2022年度開發大會召開，可能令舜宇光學科技#2382有多啲跡象反彈，如回一回再升，不妨關注。
士佳說 - 張士佳 舊文
本文作轉載及備份之用 來源 source: http://skycheung.weebly.com
