士佳說 - 張士佳 2022年6月8日
【#士佳說 】張士佳：揸得雜，修茸下
【#士佳說 】張士佳：揸得雜，修茸下
尋日炒左一日，連續星期一二都有堂上，攰，
昨日以炒期指為主，開市前，學生投票survey五成估陽，五成估陰，即無人知點做，冇conviction，容易被大戶chok上chok落格局，未開市，已打算博佢出假突破，逢向上突破時博即市沽，向下突破就博反彈，結果猜中左，21580沽，21280反手揸，如此類推上下其手，post在群組，炒左十多轉，反而個股做得唔多。
粉絲應記得我有京東牛，昨日輪到佢飆升，牛賺得好好，未食，開心都未來得切，就比隻#6968樂享打劫番，隻樂享我上個幾禮拜$3.18入，升到3.65都唔食，點知昨早宣佈以折讓配股，主席又同時都增持相同股份，都知一定有大龍鳳，諗住佢向上炒，點知裂口下跌，唯有用番對付壞消息嘅基本功，初頭跌我都唔走，畀多半個鐘時間作消化，再穿底就無得唔走，結果2.92拜拜，放番低十巴仙都冇計，唔走就急跌，收市仍要急跌3成幾，其實我覺得跌多咗，始終樂享於海外電商前景的大前提下，吾會受配股所影響。猶記得隻海洋公園2255在$2.8都係曾跌五成，結果，幾個月後去返$7，最近都幾興震倉，究竟樂享係玩完定震倉暫時言之尚早，不吃眼前虧我梗係走咗先，但係會睇下尼幾日仲有咩消息跟進，觀察股價企唔企得穩先再算。
此外，食了#716，加些#3668，就係做咁多，本來昨日想做#700牛，見唔升無落手，粉絲跟做左唔駛驚，今日番黎應有得食；此外，尋日同大家提左隻知乎，升得幾好，我港股美股都有，今日番黎，我會走港股部份，唔係睇淡，只係手上又股又牛又期指，挨近22000，唔應該揸得咁雜。
大市昨日少少回自然會影響先前升得最急的汽車版塊，#1211比亞迪，#2333長城，#175吉利都跌得比較多，#305汽車都不能倖免，由1.18買住等，最高去過1.4，我都冇食，諗住都等咗咁耐再等高d，但距離250天越近就越難，今日番來會趁机食半，等較深支持先買番。同時今日番黎會減埋長城2333，陽破15.38先炒過。
最穩最矚目仍然係航運，復工復產對構成直接利好，東方海外國際#316再升2.8%再破頂，冇#316都要有中遠海能#1138，無論從油運還是天然氣LNG運輸公司佢都是最大的受益者，尋日再升6%，近一個月累計升幅超過4成了，去到我設計的yellow line尺度有點阻力，我等黃線陰燭會止賺一些，吾咁貪。先前同大家提過晚中國船舶租賃#3877也升，陽破1.46也要關注。另外集裝箱#716勝獅貨櫃#716，尋日先寫話應有瞄頭，點知即日就做雙頂pattern，走位吼低才買番了。
另外，教育股板塊都吸引眼球，中教#839話新學年招生大幅增長，總體較上年同比增加7成，急升21%，新東方美股 EDU. US低位反彈了3成，帶動新東方#9901再升6%；其實係近期中央對各方平台監管陸續開放，市場憧憬對低殘的教育股監管散去，股值開始修復。但蟹貨積壓太多關係，圖表仲未有趨勢，只有新高教#2001較好較多訊号，尋日升11%，觀察住先。
焦煤股之前食左#639首鋼資源，走完位我又買番，完全無著數，件有吼其他大隻的想加倉，兗煤澳大利亞#3668與兗礦能源#1171的收購看似一波三折，但澳大利亞唔肯賣，或者令袞煤會提价或轉形式，傳統智慧話我聽應該升，我跟加了少少倉，另外，#1733都吼低加了些，等高息分紅，煤，我始終睇高一線，我仲有隻＃3948係度等運到。
反而尋日講蘋果Apple全球開大會WWDC，不過並無提到混合VR/AR現實的頭顯設備，所以尋日提到的舜宇光學#2382，市場有些失望，尋日話回一回再突破先買，而家回一回唔知跟住落嚟有冇突破呢？
高端嘅未知走向，反而啲傳統嘢值得捧場，味精又向上行，今日陽突破＄3.94，我會加番，等破頂，用3.52做止蝕，博佢再上。
士佳說 - 張士佳 舊文
本文作轉載及備份之用 來源 source: http://skycheung.weebly.com
