【平民投資教室】錢俊：另類策略唔理經濟好醜
平民投資教室
日期：2022-08-16
更新時間：09:12:14
下半年開局，港股美股又再次背道而馳。之前港股叫做好返少少，尋日20000點再岌岌可危， 相反美股單係標普500指數過去一個月已經升咗11%，納指更升14%，反彈不俗。
反
彈會否持續，港股幾時會追落後，實難以確認。美國七月份消費者價格指數（CPI）按年仍升 8.5%，雖然已經低於預期及六月份高位9.1%，令市場正面氣氛回歸，但通脹仍然喺高單位數， 加上能源價格喺俄羅斯與西方關係緊張嘅情況下無乜回落空間，通脹實在好難一下子大幅消 退，美國聯儲局喺加息方面相信仍然會非常積極。
另一邊箱，中國經濟未見起色。上周公佈中國七月全國居民CPI升2.7%，雖然創兩年嚟最大增 幅，但仍低於市場估值2.9%。同月工業生產者出廠價格指數（PPI）只漲4.2%，為17個月來最低 ，更加低於預期嘅4.8%。近日新彊及海南又爆發疫情引發封城。可見清零政策一日存在，經濟 仍會反覆，好難回到正常。
正因如此，今年餘下時間要搵投資機會都唔容易。除咗防守同分散投資，有人會睇下一啲與通 脹及經濟關係較為脫勾嘅投資，即係股債以外嘅「另類投資」選擇。理論上，當加息通脹令傳統 資產嘅股債齊跌，買一啲與佢哋相關性較低嘅投資，當中包括對沖基金，有助對沖部份跌市風 險。
以往呢類似嘅投資，除非你有100萬美金可以喺私人銀行戶口開戶，否則都好難涉足。但依家 只要去美國ETF市場，投資者就可以用幾百幾千蚊入手，非常方便。
MNA：收購合併套戥對沖基金
其中一種對沖基金策略叫收購合併套戥(M&A Arbitrage)。顧名思義，就係通過買賣正進行收 購合併嘅公司以賺取差價。有金融理論提到，當收購合併公佈後，被收購方嘅股票會升，而收 購方公司就可能會跌。因此透過沽空後者，再買入前者，如果情況係一如所料，就可以低成本 從中獲利。由於以上投資操作，喺唔同經濟環境都可以進行，所以做到供獨立、波動性低、且 與股債相關性低嘅回報。
美股ETF市場入面呢種投資策略比較大型嘅有IQ Merger Arbitrage ETF（US:MNA），由紐約人 壽（New York Life）發行，基金規模5.6億美元，2009年已經上市，管理費0.77%。資料顯示，基 金主要捕捉收購目標的最終交易價格與現時價格水平之間嘅差距嚟賺取回報。今年回報為負 1%，比好多股債基金跌雙位數係好得多。
話雖如此，呢類型基金唔太可能喺任何投資組合中佔好大比例。雖然波動性低，但回報都相當 低。過去五年累積只有7.7%。如果牛市重臨，肯定大幅跑輸，因此只能作為一個中短期緩衝， 或者取代少量債券投資部份。
想聽其他投資Topic？話我知：chinjun.column@gmail.com
FB: chinjun.etf
IG: chinjun.column
平民投資教室 - 錢俊 舊文
本文作轉載及備份之用 來源 source: http://hksmedia.com
