【天下第一倉】高山行：唔知炒乜 投機跟得
天下第一倉
日期：2022-08-25
更新時間：14:53:58
中國天弓控股(00428.HK)近日異動只可用一個字形容: 玄！尋晚已經公布早作虧警的中績，逆市下走勢竟然強到無倫，唔駛用其他野解釋，只係為一個炒字，就可以繼續睇表現。
0428
係一隻 21章股份，即係主業為炒賣上市或非上市公司，並無實際主營業務，最新7月結綜合資產淨值為每股0.27元，現價0.5元，所以表面上已經大溢價，唔可以飛得去邊，但偏偏走勢咁強，咁就值留意。
最近大事件係在6月中宣布配售8,633萬新股，相當於擴股後16.67%；配售價0.218元，其後在7月初宣布將配售價大幅上調至0.264元，集資二千幾萬銀，批貨則在上月下旬發出，股價一直冇異動，直至最近怪事先發生，集團在17號虧警，但股價全無影響，仲於19日開始大起承，跟住連續幾個交易日更大起飛 ，由近0.3元邊位最高扯過上0.55元。昨日跌市下依然守穩0.5元，之後晚上公布中績，虧蝕一預期的3,370萬元，手上所持股份全都係大碼股，包括700、9618、941及981等，隻隻都係捱緊打，所以更加解釋唔到股價點解咁掂，而在中績揭盅後，今日又可見真性情表現。
再睇近期發生事件係，集團已執過管理層，但礙於21章所限，業務唔可以飛得去邊，唯一可以解釋，就係除左炒人地股票外，自己又炒埋一份，而純炒供求則可以炒到點都得，投機取巧者，最宜跟搭順風車也。
高山行
天下第一倉 - 高山行 舊文
本文作轉載及備份之用 來源 source: http://hksmedia.com
