笑到最後 - 高明 2022年10月19日

笑到最後 - 高明 2022年10月19日


笑到最後｜美股反彈終於開始？（高明）
笑到最後｜美股反彈終於開始？（高明）


近月唔同嘅業績都開始吹風，第三季會係最差嘅一季。

首先都要鞭嚇本欄，因為高明喺6月喺唔同場合表示，下半年美股會反彈，並且一路彈到10月，結果8月已經升完，美股股民如果唔係買SQQQ嗰類反手ETF，已經食咗兩個月草。

美股外幣即時報價 多國新聞任睇
究竟幾時反彈？數字上係出年，因為AAII散戶情緒指數悲觀率達60.9%，係2009年3月以來最悲觀，再上一次就係1990年。出現呢個數字後，標普500指數隨後一年上升30%。

倘利率趨寬鬆 美股有景
雖然今年見到，唔係所有市場都有能力超賣後反彈，個別市場超賣後可以更平，但係暫時可以判斷，美股仍然有能力跌後重生，其中一個原因就係睇美元，曾經量化寬鬆至人人唔信美元，走去加密貨幣，到一加息，大家咪又係返美元。同一道理，利率情況如果轉趨寬鬆，資產第一個會去嘅地方，咪又係美股。另一原因，就係加息環境下仍然要搵增長，都仲係美國企業。簡單嚟講，只要有美帝招牌，資金就會湧入。

以納指為例，低位見過10000點後，反彈至最高10972點。類似嘅大力反彈，過去三個月已經見過，隨之而來係一次又一次嘅失望，而且跌得仲多過原先升幅嘅起步點。

近月唔同嘅業績都開始吹風，第三季會係最差嘅一季，而銀行股業績亦反映，即使投資相關業務股價回落，利率上升亦可以彌補部份損失，證明情況一轉差，亦未必對所有業務不利。數得出嘅壞消息，由加息、經濟衰退、企業盈利下降、裁員、能源危機、通脹，已經出曬，部份例如能源價格都係回落，除咗核戰，再壞嘅消息亦已知道曬。

真正影響嘅原因仍然喺息口及美元滙價上，美股特別係增長股對息口特別敏感，但聯儲局「雙重目標」（Dual Mandate），其實係三重目標擴大就業、穩定物價、調控長期利率，其實幾十年嚟都係透過摧毀貨幣價值，嚟擴大就業。過去長線周期慣性做法，今年加息只係一次周期性，雖然息未加完，美滙指數仍然係高位，真正反彈浪肯定未嚟，但係出年只要第一次出現加0.5厘息，見證加息步伐放緩，就已經係反彈嘅先兆。

高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。

本欄逢周三刊出
笑到最後 - 高明 舊文

本文作轉載及備份之用 來源 source: http://hk.finance.yahoo.com