唱得太淡 是強逼銀行追數
唱得太淡 是強逼銀行追數
近日唱淡樓市的評論鋪天蓋地。(資料圖片)
有年輕朋友話近日有不少低價成交，令到他的自住單位買入價低於市價。換句話說，倘他承造高成數按揭，好大可能已經是一名負資產者。他有一份收入不錯的工作，供款沒問題，而事實上他從來沒有拖欠供款，
但他擔心銀行會追收差額，原因是他的自住單位資不抵債，現在每日都是活在誠惶誠恐之中。
近日唱淡樓市的評論鋪天蓋地，很少人話樓市平穩，我是其中之一，有老友問我點解要唱反調，我話有兩個理由，第一，香港的業主防守力相當之強，唔會咁輕易要賣樓，而且絕大多數業主都會依期供款，因為業主知道，如果拖欠供款被銀行追數，甚至收樓就無話可說，而香港銀行很少向依期供款的業主追數。
第二個理由比較客觀性，如果任由分析員唱淡，試問怎會有銀行家明知樓價會下跌五成而唔向客戶追數，如果太多這類個案，樓價想唔跌都唔得。所以，我是逼不得已要唱反調，希望評論員手下留情，否則的話，即是強逼銀行向依期供款者追數，我盡力而為而已。
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk
